અમદાવાદમાં દારૂબંધીના કડક અમલ માટે પોલીસે કવાયત હાથ ધરી છે. DGPના આદેશ બાદ અમદાવાદ પોલીસ એક્શન મોડમાં આવી છે. જેથી સરદારનગર અને છારાનગર સહિતના વિસ્તારમાં તપાસ હાથ ધરવામાં આવી છે. પોલીસની 5 અલગ અલગ ટીમોએ મેગાડ્રાઈવ હાથ ધરી છે. DCP, ACP, 4 PI, 21 PSI સહિતનો પોલીસકાફલો ત્રાટક્યો છે. આ મેગાડ્રાઈવમાં 250 જેટલા પોલીસકર્મીઓ જોડાયા છે. DGPના આદેશ બાદ 10 દિવસ સુધી રાજ્યભરમાં ડ્રાઈવ થશે. DGP શિવાનંદ ઝાના સુપરવિઝન હેઠળ દરોડા કરવામાં આવશે.