SHORT & SIMPLE / અમદાવાદમાં એકસાથે 5 પી.આઇની આંતરિક બદલી, પોલીસ કમિશ્નરે આપ્યા આદેશ, જાણો કેમ

• અમદાવાદ પોલીસ બેડામાં મોટો ફેરફાર
• 5  પોલીસ ઇન્સ્પેક્ટરની કરાઈ આંતરિક બદલી
• પોલીસ કમિશનર સંજય શ્રીવાસ્તવે કરી બદલી

અમદાવાદમાં પોલીસ બેડામાં ખળભળાટ મચાવે તેવી ઘટના સામે આવી છે. એક જ દિવસમાં શહેરના 5 પોલીસ ઇન્સ્પેક્ટરની આંતરિક બદલી કરવામાં આવી છે. જેમાં શહેરકોટડા પોલીસ સ્ટેશન, ખાડિયા પોલીસ સ્ટેશન, SOG, મહિલા અને કંટ્રોલ રૂમના પોલીસ ઇન્સ્પેક્ટરની બદલી કરવામાં આવી છે. 

પોલીસ કમિશનર સંજય શ્રીવાસ્તવે કરી બદલી
નવું નાણાકીય વર્ષ શરૂ થાય એ પહેલા અમદાવાદ પોલીસ બેડામાં મોટા ફેરફાર કરવામાં આવ્યા છે. આજે અચાનક 5 પોલીસ ઇન્સ્પેક્ટરની આંતરિક બદલીઓ કરી દેવામાં આવી છે. શહેર પોલીસ કમિશનરના નિર્ણયે અનેકને વિચારતા કરી દીધા છે. વહીવટી કારણસર 5 પોલીસકર્મીની આંતરિક બદલી કરાઈ હોવાનું કહેવામાં આવી રહ્યું છે. તો બીજી તરફ ગૃહ રાજ્યમંત્રીના આદેશ પર ગઈકાલે મોડી સાંજે રાજ્યની 17 જેલોમાં મેગા સર્ચ ઓપરેશન હાથ ધરવામાં આવ્યું હતું. 

17 જેલોમાં હાથ ધરાયું હતું ચેકિંગ  
અમદાવાદની સાબરમતી સહિત 17 જેલોમાં ચેકિંગ હાથ ધરાયું હતું. જેમાં 1700 જેટલા પોલીસ અધિકારીઓ અને કર્મચારીઓ જોડાયા હતા. ગઈકાલે મોડી રાત્રે શરૂ થયેલું મેગા ઓપરેશન આજ સવાર સુધી ચાલ્યું હતું. CM ભૂપેન્દ્ર પટેલ સીએમ ડેશ બોર્ડથી અને ગૃહ રાજ્યમંત્રી હર્ષ સંઘવી ડીજીપી ઓફિસ ખાતેથી નેત્રમ પ્રોજેક્ટથી સર્ચ ઓપરેશન જોઈ રહ્યા હતા.