અલર્ટ / અમદાવાદ : તહેવારોમાં મોલ્સ-મલ્ટિપ્લેક્સમાં જતા પહેલાં પોલીસ કમિશ્નરનું જાહેરનામું જાણી લેજો

• અમદાવાદમાં આતંકી દહેશતને લઈ અલર્ટ
• પોલીસ કમિશનરે બહાર પાડ્યું જાહેરનામું
• પોલીસને સઘન ચેકિંગનો આદેશ અપાયો

દિવાળી પહેલા અમદાવાદમાં આતંકી દહેશતને લઇને અલર્ટ જાહેર કરાયું છે. અમદાવાદ પોલીસ કમિશનર સંજય શ્રી વાસ્તવ દ્વારા જાહેરનામું બહાર પાડવામાં આવ્યું છે. પોલીસ કમિશનરે શૉપિંગ મોલ, મલ્ટિપ્લેક્સ અને ભીડભાળ વાળી જગ્યાઓ પર અલર્ટ રહેવા માટે કહ્યું છે. હાલ અમદાવાદમાં પોલીસને સઘન ચેકિંગનો આદેશ અપાયો છે. ત્યારે શહેરના તમામ નાગરિકોને પણ અલર્ટ રહેવા સૂચન કરાયું છે.

અમદાવાદમાં આતંકવાદી હુમલાની ચેતવણી જાહેર કરવામાં આવી છે. અલર્ટ જાહેર થયા બાદ અમદાવાદ પોલીસને હાઈ અલર્ટ પર રહેવા કહેવામાં આવ્યું છે. પોલીસ દ્વારા ચેતવણી આપવામાં આવી છે કે, આજથી 18 ડિસેમ્બર સુધી અમદાવાદને હાઈ અલર્ટ પર રાખવામાં આવ્યું છે.

મહત્વનું છે કે, આ પહેલા ઉત્તર પૂર્વી રાજ્ય આસામમાં પણ સુરક્ષાને લઇને હાઈ અલર્ટ જાહેર કરી દેવાયું છે. રાજ્યની ગુપ્ત એજન્સીને એવા ઇનપુટ મળ્યા છે કે અહીં પર પાકિસ્તાની ISI અથવા અલકાયદા હુમલો કરી શકે છે. આ હુમલો પણ આસામના RSS કેડરો, આર્મી વિસ્તારો અને ધાર્મિક સ્થળો પર કરવાની તૈયારી છે.