સોલા વિસ્તારમાં થયેલ બુલેટ ચોરીની ઘટના સીસીટીવીમાં કેદ થઈ હતી અને પોલીસે સીસીટીવીના આધારે તપાસ શરૂ કરતાં આરોપી ચિરાગને ઝડપી પાડ્યો છે.
વાહન ચોરી કરતો શખ્સ ઝડપાયો
બુલેટ ચોરી કરી સસ્તામાં વેચતો હતો
અનેક વાહન ચોરીનો ઉકેલાયો ભેદ
અમદાવાદમાં શહેરમાં મોંઘીદાટ બુલેટ બાઇકની ચોરી કરનાર આરોપીને આખરે પોલીસે ઝડપી પાડ્યો છે. થોડાક દિવસ પહેલા સોલા વિસ્તારમાં થયેલ બે બુલેટ ચોરી અને અન્ય એક વાહન ચોરીનો ભેદ ઉકેલાઈ ગયો છે.
બે બુલેટ અને અન્ય એક વાહન ચોરીનો ઉકેલાયો ભેદ
જલ્દી અને વધુ પૈસા કમાવવાની લાલચ વ્યક્તિને ખોટા રસ્તે લઈ જાય છે. આવું જ કઇંક અમદાવાદમાં સામે આવ્યું છે. કાળા કામ કરીને પૈસા કમાનાર આરોપીનું નામ છે ચીરાગ દરજી આરોપી અમદાવાદમાં આવેલ ગોતા વિસ્તારના હાઉસિંગ મકાનોમાં રહે છે. જલ્દી અને વધુ પૈસા કમાવવાની લાલચે આરોપી મોંઘાદાટ બુલેટ બાઈક ચોરી ને અંજામ આપતો હતો. સોલા વિસ્તાર માં આરોપી ચિરાગે બે બુલેટ અને અન્ય એક વાહન ચોરી ને અંજામ આપ્યો હતો.
ઝડપાયેલો આરોપી ચોરેલા બુલેટ 40થી 50 હજાર રૂપિયામાં લોકોને વેચતો હતો
આરોપીની બુલેટ ચોરી કરવાની મોડસ ઓપરેન્ડી જો વાત કરીએ તો આરોપી ચિરાગ બુલેટ બાઈક માં સ્ટેરીંગ લોક માં એક પતલો તાર નાખીને સરળતાથી લોક ખોલી નાખતો હતો અને ત્યારબાદ ગણતરીની સેકન્ડમાં બાઈક ચોરી ફરાર થઈ ગયો હતો. જોકે સોલા વિસ્તારમાં થયેલ બુલેટ ચોરીની ઘટના સીસીટીવીમાં કેદ થઈ હતી અને પોલીસે સીસીટીવીના આધારે તપાસ શરૂ કરતાં આરોપી ચિરાગને ઝડપી પાડયો છે. પોલીસ પૂછપરછમાં આરોપી ચિરાગ ચોરી કરેલા બુલેટ માત્ર 40થી 50 હજાર રૂપિયામાં લોકોને વેચતો હતો અને લેનાર વ્યક્તિને આરસી બુક પછી આપવાનુ કહેતો હતો.
આરોપી સામે 8 બુલેટ ચોરી અને અન્ય વાહનોના 14 ગુના છે નોંધાયેલા
પોલીસ તપાસમાં આરોપી સામે અગાઉ સોલા પોલીસ સ્ટેશનમાં બુલેટ ચોરીના આઠ ગુના નોંધાયા છે જ્યારે અમદાવાદ શહેરમાં બુલેટ અને વાહન ચોરીના કુલ 14 ગુના નોંધાયેલા છે. જોકે હાલ તો પોલીસે આરોપી પાસેથી બે બુલેટ અને અન્ય એક વાહન કબજે કરી વધુ તપાસ હાથ ધરી છે.