અમદાવાદ પોલીસે બુટલેગરો સામે કરી લાલઆંખ લાખોની કિંમતનો ઝડપી લીધો દારૂ

અમદાવાદ: ગુજરાતમાં દારૂબંધી હોવા છતાં દારૂનું પ્રમાણ દિવસેને દિવસે વધી રહ્યું છે. એક તરફ ગુજરાતમાં દારુબંધીનો કાયદો કડક રીતે અમલ થાય તેવા પ્રયાસો કરાય છે તો બીજી તરફ બુટલેગરો અવનવી તરકીબ અપનાવી ગુજરાતમાં દારૂ ઘુસાડે છે. આવી જ એક તરકીબ અપનાવી હિમાચલ પ્રદેશમાં વેચાતો દારૂ ગુજરાતમાં ઘુસાડતા પોલીસે અમદાવાદ ખાતેથી દારૂ ભરેલી એક ટ્રક ઝડપી પાડી છે. 

દારૂના કેસમાં નાસતા ફરતા લિસ્ટેડ બુટલેગર અમિત ઉર્ફે દુબે મદન ઉર્ફે સંતોષ રાજપૂત દિલીપ મોર્ય મોહંમદ કપલાખાન સિંગલની દરપકડ કરી છે. જયારે ડ્રાઇવર નાસીર ફરાર થઇ ગયો હતો. પોલીસે 35 લાખ 46 હજાર રૂપિયાની 7 હજાર 92 નંગ વિદેશી દારૂની બોટલો તેમજ સાત લાખ રૂપિયાની ટ્રક કબજે કરી છે. દારૂનો આટલો મોટો જથ્થો પકડાતાં પીઆઇ ઓ.એમ. દેસાઇ સહિત મેઘાણીનગર પોલીસ સ્ટેશનના કર્મચારીઓની સામે પણ તપાસ શરૂ થશે.  

ઉલ્લેખનીય છે કે રાજ્યમાં દારૂબંધી હોવા છતા અનેક તરકીબો અપનાવીને બુટલેગરો દ્વારા દારૂ ઘુસાડવામાં આવે છે.આ કારણોસર રાજ્યની પોલીસ પણ સતર્ક થઇને બુટલેગરોને ઝડપી લેવા સતત પેટ્રોલિંગ કરતી હોય છે ત્યારે આજરેજ અમદાવાદમાં પ્રેવેશ કરી રહેલી દારૂ ભરેલ ટ્રકને પોલીસે ઝડપી લીધી હતી અને મોટા પાયે દારૂનો જથ્થો પકડીને કાયદેસરની કાર્યવાહી કરી હતી.