અમદાવાદ ગ્રામ્ય વિસ્તારની ફેક્ચર ગેંગના 5 આરોપીની ધરપકડ, આ કેસમાં હજુ પણ 4 આરોપીઓ ફરાર, તમામ પર ગુજસીટોક કાયદો લગાવવામાં આવશે
વિરમગામમાં ગુજસીટોક હેઠળ ગુનો દાખલ
પાંચ આરોપીની પોલીસે કરી ધરપકડ
ફ્રેક્ચર ગેગના નામે ઓળખાતી ગેંગ ઝડપાઈ
અમદાવાદ ગ્રામ્યમાં વધુ એક ગેંગ સામે ગુજસીટોક હેઠળ ફરિયાદ નોંધાઈ છે. અમદાવાદ ગ્રામ્ય વિસ્તારની ફેક્ચર ગેંગના 5 આરોપીની ધરપકડ કરી છે. ત્યારે આ કેસમાં હજુ પણ 4 આરોપીઓ ફરાર છે. ધરપકડ કરાયેલા આરોપીમાં ઝહીર કુરેશી, અસલમ ખાનજાદા, વસીમ સિપાહી, સરફરાજ સિપાહી, આરીફ મંડળી છે. ત્રણ જિલ્લામાં ફ્રેક્ચર ગેંગ તરીકે કુખ્યાત છે. આ ગેંગમાં કુલ 9 શખ્સ સામેલ છે. જેમાં મુખ્ય આરોપી સફી કુરેશી આરોપી તરીકે પોલીસની તપાસમાં સામે આવ્યો છે. અમદાવાદ ગ્રામ્ય પોલીસે 5 આરોપીની ધરપકડ કરી વધુ 4 ફરાર આરોપીઓની શોધખોળ હાથ ધરી છે. જેમાં મુખ્ય આરોપી સફી કુરેશી, વસીમ બાડો, વસીમ બોળો અને મોહસીન બાટલો ફરાર છે.
ફેક્ચર ગેંગની મોડસ ઓપરેન્ડીની વાત કરીએ તો, અમદાવાદ જિલ્લા સહિત અમદાવાદ હિંમતનગર, બનાસકાંઠા, સુરેન્દ્રનગર અમદાવાદમાં કુલ 43 ગંભીર ગુનાઓ નોંધાઈ ચુક્યા છે. જેમાં શરીર સંબંધી, મિલકત સંબંધી, ધાડ, લૂંટ, અપહરણ, હત્યાનો પ્રયાસ, પશુઓની હત્યા, રાયોટિંગ, હથિયારોની હેરાફેરી સ્ત્રીઓ પર અત્યાચાર, સરકારી કર્મચારી પર હુમલા અને મોટા પ્રમાણમાં દારૂની હેરાફેરી કરવાના ગુનાઓ નોંધાઈ ચુક્યા છે. આ ગેંગ ગુજરાતના જિલ્લાઓમાં છેલ્લા દસ વર્ષથી સક્રિય હતી પોલીસને મળતા ગુજસીટોક હેઠળ ફરિયાદ નોંધી આરોપીઓને ધરપકડ કરવાની કરી કાર્યવાહી સહિતની કાયદાકીય પ્રક્રિયા શરૂ કરી છે.
આ ગેંગનું નામ ફેક્ચર ગેંગ એટલા માટે પડ્યું કે, આ ગેંગ સામેના વ્યક્તિને માર મારી હાથ અને પગમાં ફેકચર કરી નાખે છે. અમદાવાદ ગ્રામ્ય પોલીસે હાલ આ પ્રક્રિયા હાથ ધરી છે કે દસ વર્ષથી આ ગેંગે ગુના આચરી જે પૈસા બનાવી મિલકત ખરીદી છે. તેની ગણતરી કરી ટાંચમાં લેવાશે. આ ગેંગનો સફાયો કરવા માટે અમદાવાદ ગ્રામ્ય પોલીસ છેલ્લા ત્રણ મહિનાથી એડીચોટીનું જોર લગાવી રહી હતી. અને અંતે ગેંગ કાયદાના સકંજામાં આવી ચૂકી છે.