એકશન પ્લાન / 31 ડિસેમ્બરને લઇને અમદાવાદ પોલીસ કમિશનરનું જાહેરનામું, શહેરમાં જડબેસલાક બંદોબસ્ત

• નવા વર્ષની ઉજવણીને લઈને અમદાવાદ પોલીસે એકશન પ્લાન તૈયાર 
• 31 ડિસેમ્બરને લઈને પોલીસ કમિશનરનુ જાહેરનામુ
• અમદાવાદ પોલીસ દ્વારા કેવું હશે બંદોબસ્તનું આયોજન 

અમદાવાદ પોલીસ કમિશનરનુ જાહેરનામુ બહાર પાડ્યું છે. જેમાં જણાવાયું છે કે, સી.જી રોડ સાંજે 6થી રાત્રે 3 વાગ્યા સુધી બંધ રહેશે. એસ.જી હાઇવે પર ભારે, મધ્યમ વાહનો પર પ્રતિબંધ લગાવાયો છે. લોકોને તકલીફ ન પડે તેનુ ધ્યાન રખાશે. ટ્રાફિક પોલીસ દ્વારા ખાસ જુંબેશ ચાલશે. 24 જેટલા પાર્ટીપ્લોટ સંચાલકો સાથે બેઠક કરી છે. દારૂ પીને ગાડી ચલાવનાર સામે કાર્યવાહી કરાશે.

અમદાવાદ પોલીસે આ વર્ષે મોટી જનમેદની એકઠી થનારા વિસ્તારમાં પણ અલગ અલગ ટીમો એલર્ટ રહેશે. ખાસ કરીને એસ.જી. હાઈવે, કાંકરિયા ખાતે અને સીજીરોડ ખાતે પણ ગોઠવી BDDSની ટિમ પણ ચેકીંગ કરશે. તો બીજી તરફ રોડ પર સ્ટંટ કરતા કે ઓવર સ્પીડમાં વાહન ચલાવવા પર કડક કાર્યવાહી હાથ ધરવામાં આવશે. આ ઉપરાંત આયોજકોને પણ સુરક્ષાને લઈને સુચના આપવામા આવી છે. જેમા ફાયર સેફટી અને સુરક્ષાને લઈને વિશેષ વ્યવસ્થાનો આદેશ આપવામા આવ્યો છે.

નવા વર્ષની ઉજવણી દરમિયાન દારૂખાનું ફોડવાનું પોલીસના ધ્યાને આવેલ છે. જેને લઈ લોકોમાં નાસભાગ આગ લાગવાના અને દાઝવાના બનાવવાની પણ શક્યતા રહેલી હોય આવા બનાવો રોકવા માટે સંવેદનશીલ પોઈન્ટો ઉપર બંદોબસ્ત ગોઠવી સઘન પેટ્રોલિંગ પણ હોક સ્ક્વોડ દ્વારા કરાય તેવી વ્યવસ્થા ગોઠવી છે.

અમદાવાદ પોલીસ દ્વારા કેવું હશે બંદોબસ્તનું આયોજન 

• શહેર પોલીસ અને મહિલા પોલીસની ટીમ સહિત ક્રાઇમ બ્રાન્ચ, SOG ક્રાઇમ પેટ્રોલિંગ સાથે રાખશે ખાનગી વોચ
• પાર્ટી પ્લોટ, હોટેલ, ફાર્મ હાઉસ સહિત નવા વર્ષની ઉજવણી થનારા સ્થળો પર રાખવા પડશે હેન્ડ હેલ્ડ મેટલ ડિટેકટર 
• બુટલેગરોની પ્રવૃત્તિ પર ખાનગી વોચ રાખવા પણ ક્રાઇમ બ્રાન્ચની ખાસ નજર 
• મહિલાઓની ડીકોય ટીમ સાદા ડ્રેસમાં ક્લબો અને પાર્ટી પ્લોટમાં રાખશે વોચ 
• 1000 જેટલા બ્રેથ એનેલાઈઝર સાથે પોલીસ શહેરભરમાં ચેકીંગ કરશે
• હોટેલ અને ગેસ્ટહાઉસમાં પીનાક સોફ્ટવેરની મદદથી ગતિવિધિઓ પર રાખવામાં આવશે નજર 
• CCTV કેમેરાથી બનતી ઘટનાઓ રોકવા રાખવામાં આવશે ચાંપતી નજર
• અડચણરૂપ વાહન પાર્કિંગને રોકવા ટ્રાફિક પોલીસની પણ લેવાશે મદદ