કોરોના / 31 ડિસેમ્બરને લઇને એક્શન પ્લાનઃ રાત્રે ઉજવણી માટે બહાર નીકળેલા લોકોને પોલીસ પકડશે નહીં પણ આ જગ્યાએ લઇ જશે

• આજે 31મી ડિસેમ્બરને લઈને પોલીસનો એક્શન પ્લાન
• રાત્રે ઉજવણી માટે બહાર નીકળ્યા તો પોલીસ હોસ્પિટલ લઈ જશે 
• રાત્રે 9 વાગ્યા બાદ પોલીસ કર્ફ્યૂની કડક અમલવારી કરાવશે

આજે અમદાવાદ શહેરમાં 31મીડિસેમ્બરને લઇને પોલીસ એકશન પ્લાન તૈયાર કર્યો છે. રાત્રે ઉજવણી દરમિયાન બહાર નીકળેલા લોકોને પોલીસ હોસ્પિટલ લઇ જશે. રાત્રે 9 વાગ્યા બાદ પોલીસ કર્ફ્યુની કડક અમલવારી કરાવાશે. 
 

આ સાથે પોલીસ દ્વારા દિવસ દરમિયાન પણ ચુસ્ત બંદોબસ્ત રાખવામાં આવશે. અમદાવાદના એન્ટ્રી પોઇન્ટ  28 જગ્યાએ કડક ચેકિંગ હાથ ધરવામાં આવી રહ્યું છે. શહેરમાં 3500 પોલીસકર્મીઓ ઓન ડ્યૂટી રહેશે. 

આ સાથે અમદાવાદમાં રાત્રે 9 વાગ્યા બાદ બહારગામથી આવનાર લોકોને શહેરમાં પ્રવેશ મળશે નહી. પોલીસ આજે 31મી ડિસેમ્બરને લઇને હોટલ, ફાર્મ હાઉસ પર વોચ રાખશે. 

જો કોઇ વ્યક્તિ નશાની હાલતમાં ઝડપાશે તો પોલીસ દ્વારા કેસ કરવામાં આવશે. આ સાથે લોકો રસ્તા પર દેખાશે તો CCTVના આધારે કડક કાર્યવાહી કરવામાં આવશે. આ સાથે ઝડપાયેલા તમામ વ્યક્તિનું મેડિકલ પરિક્ષણ કરવામાં આવશે. 

31મી ડિસેમ્બરને લઇને પોલીસ દ્વારા એકશન પ્લાન  બનાવામાં આવ્યો છે. જેમાં શહેરના રસ્તાઓ પર CCTV કેમેરા દ્વારા સતત મોનિટરિંગ કરવામાં આવશે. 

અમદાવાદ CP સંજય શ્રીવાસ્તવની VTV સાથે ખાસ વાતચીત

અમદાવાદ શહેર પોલીસ કમિશ્નર સંજય શ્રીવાસ્તવે VTV સાથે ખાસ વાતચીત કરી હતી. 31 ડિસેમ્બર અને નવા વર્ષની ઉજવણીને લઇ પોલીસ કમિશનરે નિવેદન આપ્યું હતું. આ દરમિયાન તેમણે કડક સંદેશ આપ્યો હતો.

31 ડિસેમ્બરને લઈ અમદાવાદ પોલીસે એકશન પ્લાન તૈયાર છે. 31 ડિસેમ્બરે 9 વાગ્યા બાદ બહાર ફરતા લોકોની ડૉક્ટરી તપાસ થશે. જો નશો કર્યો હશે તો સીધા હોસ્પિટલમાં મોકલવામાં આવશે. કોરોનાના કારણે આ વર્ષે બ્રેથ એનલાઇઝર પર પ્રતિબંધ મૂકી દેવાયો છે. તો અમદાવાદમાં 31 ડિસેમ્બરને લઇ બંદોબસ્તમાં 7 DCP, 14 ACP ખડેપગ રહેશે. ઉપરાંત પોલીસ ખાનગી જગ્યાએ પણ ચેકિંગ કરશે.

અમદાવાદ પોલીસનો એક્શન પ્લાન  

• 31 ડિસેમ્બરને લઈન અમદાવાદ પોલીસનો એકશન પ્લાન
• 9 વાગ્યા બાદ બહાર ફરતા લોકોનું તબીબી પરીક્ષણ કરાશે
• જો નશો કર્યો હશે તો સીધા હોસ્પિટલ મોકલાશે
• બ્રેથ એનલાઈઝર પર કોરોના મહામારીને ધ્યાને રાખીને પ્રતિબંધ
• બંદોબસ્તમાં 7 DCP, 14 ACP ખડેપગે હાજર રહેશે
• પોલીસ ખાનગી જગ્યાએ સરપ્રાઈઝ ચેકિંગ કરશે
• હાલ અમદાવાદમાં રાત્રી કર્ફયુ અમલમાં છે જેનું કડક પાલન કરાશે
• અમદાવાદમાં 28થી 30 ચેકપોસ્ટ પર ચેકિંગ કરાશે
• અમદાવાદ બહારના વ્યક્તિને પ્રવેશ આપવામાં નહીં આવે
• 31 ડિસેમ્બરની ઉજવણી 9 વાગ્યા પછી નહીં કરી શકાય
•  જાહેરનામા મુજબ દિવસ દરમ્યાન ઉજવણી કરી શકશે
• જાહેરનામા નો ભંગ થશે તો ગુનો નોંધાશે
• ફાર્મ હાઉસ અને હોટલમાં પોલીસની વોચ રહેશે
• સી.જી. રોડ, એસ.જી.હાઇવે જેવી જગ્યા પર ભીડ ન કરવી 
• પોલીસ સર્વેલ્સના કેમેરાથી પણ મોનિટરિંગ કરવામાં આવશે