અમદાવાદ / સાબરમતી જેલમાંથી ફરી મોબાઇલ મળ્યો... જેલમાંથી કેમ વારંવાર મળે છે મોબાઇલ? જેલમાં મોબાઇલ આવે છે ક્યાંથી?

• અમદાવાદની સાબરમતી જેલમાંથી મળ્યો મોબાઇલ
• યાર્ડ નં-6ની બેરેક નં-2માંથી મળ્યો મોબાઈલ
• જેલ સ્ટાફે રાણીપમાં નોંધાવી પોલીસ ફરિયાદ

સાબરમતી જેલમાંથી ફરી મોબાઇલ મળી આવતા જાણે હવે નવાઇ જોવા મળતી નથી. વારંવાર જેલમાંથી મોબાઇલ મળી આવતાં જેલ તંત્ર  ફરી સવાલોના ઘેરામાં જોવા મળી રહ્યું છે. જો કે હાલ મોબાઇલ જપ્ત કરી જેલ તંત્ર દ્વારા રાણીપ પોલીસ સ્ટેશનમાં ફરિયાદ નોંધાવામાં આવી છે.
 

હાલ બે દિવસ અગાઉ જ સાબરમતી જેલની સુરક્ષામાં છીંડા સામે આવ્યા હતા. જેમાં આરોપી પાસેથી 20 તમાકુના પેકેટ ઝડપાયાં હતા. જેમાં આરોપીઓને સવલતો આપવામાં જેલ કર્મીઓની સંડોવણી સામે આવી હતી. જૂની સાબરમતી જેલના જેલ સહાયકે તમાકુ આપી હોવાનું સામે આવ્યું હતું. 
 

આ અગાઉ પણ અમદાવાદ સેન્ટ્રલ જેલના બેરેક નં.-2 ની નજીકથી એક મોબાઇલ મળી આવ્યો હતો. જેમાં ચાર્જર અને મોબાઇલ બિનવારસી હાલતમાં કબજે લેવામાં આવ્યા હતા. જેને લઇને રાણીપ પોલેસ અજાણ્યા શખ્સો સામે ગુનો નોંધ્યો હતો. 

વારંવાર મળી આવતા મોબાઇલને લઇને સવાલ ઉઠ્યા છે કે, શું જેલ તંત્ર આ અંગે સાવ અજાણ જ છે? જેલના અધિકારીઓની સંડોવણી વિના આ શક્ય છે? શું જેલમાં ચેકિંગ કરવામાં નથી આવતું? જેલના અધિકારીઓની કેદીઓ સાથે સાંઠગાંઠ છે? જેલમાં મોબાઈલ કેવી રીતે પહોંચે છે? કે પછી વારંવાર મળતા મોબાઈલ સામે જેલ તંત્ર લાચાર છે.