પેટ્રોલ-ડીઝલના ભાવમાં આજે ફરીવાર થયો ઘટાડો પ્રજાને મળી સામાન્ય રાહત

અમદાવાદ: પેટ્રોલ-ડીઝલના ભાવમાં ફરી એકવાર ઘટાડો થયો છે. પેટ્રોલના ભાવમાં આજે 16 પૈસા અને ડીઝલના ભાવમાં 13 પૈસાનો ઘટાડો થયો છે.

જેથી અમદાવાદમાં પેટ્રોલનો ભાવ 76.27 રૂપિયાએ પહોંચ્યો છે. જ્યારે ડીઝલનો ભાવ 76.93 રૂપિયાએ પહોંચ્યો છે. મહત્વનું છે કે પેટ્રોલ-ડીઝલમાં થયેલા સતત ભાવ વધારા બાદ હવે ભાવ ઘટી રહ્યા છે. જેના કારણે જનતાને રાહત મળી છે.
 

#petroldieselprice
આજે ફરી પેટ્રોલ-ડીઝલના ભાવમા ઘટાડો
પેટ્રોલમા 16 પૈસા ડીઝલમા 13 પૈસાનો ઘટાડો#Ahmedabad પેટ્રોલ 76.27 પ્રતિલિટર
ડીઝલમા 76.93 પ્રતિલિટર pic.twitter.com/NGhGXHAs4L

— VTV Gujarati News (@VtvGujarati) November 2 2018

ઉલ્લેખનીય છે કે ઇંધણની કિંમતમાં છેલ્લા કેટલાક દિવસથી સતત ઘટાડો થઇ રહ્યો છે આ પહેલા તાજેતરમાં પણ પેટ્રોલ-ડીઝલ સસ્તા થયાં હતા જ્યારે સરકારે એક્સાઇઝ ડ્યૂટી 1.5 રૂપિયો ઘટાડ્યો અને તેલ કંપનીઓએ 1 રૂપિયો ઓછો કર્યો હતો. ગુજરાત સહિતના અનેક રાજ્યોએ પણ રૂ.2.5નો ઘટાડો જાહેર કર્યો હતો. લગભગ 2 અઠવાડિયા પછી તેલની કિંમતોમાં ફરી ઘટાડો થયો છે.

આપને જણાવી દઇએ કે પેટ્રોલ-ડીઝલના ભાવમાં ગત માસે 80ને પાર પહોંચી ગયા હતા. ત્યારે પ્રજા પરેશાન થઇ ગઇ હતી. જો કે થોડા સમયગાળા બાદ ધીમે-ધીમે પેટ્રોલ-ડીઝલના ભાવમાં ઘટાડો નોંધાતા લોકોએ રાહતનો શ્વાસ લીધો હતો.