વિરોધ / અમદાવાદમાં ટોરેન્ટ ઓફિસ પાસે વીજ બીલને લઇને લોકોનો વિરોધ, સરકાર વિરુદ્ધ કર્યાં સૂત્રોચ્ચાર

• અમદાવાદમાં શાહીબાગ ટોરેન્ટ ઓફિસ પાસે લોકોનો વિરોધ
• વીજ બિલ માફ કરવાને લઈ લોકો એકઠા થયા
• લોકોએ સરકાર વિરુદ્ધ સૂત્રોચ્ચાર કર્યા

અમદાવાદના શાહીબાગ ટોરેન્ટ પાસે આજરોજ સવારે લોકો એકઠા થયા હતા. ટોરેન્ટ પાસે એકઠા થયેલા લોકોએ વીજ બીલ માફ કરવાને લઇને વિરોધ નોંધાવ્યો હતો. એકઠા થયેલા લોકોએ રાજ્ય સરકાર અને ભાજપ વિરોધી નારા લગાવ્યા હતા. 

વીજ બીલ માફ કરવાને લઇને એકઠા થયેલા લોકોમાં રાજ્ય સરકાર અને ભાજપ સામે આક્રોશ વ્યક્ત કર્યો હતો. લોકોએ CM રૂપાણી અને ભાજપ વિરોધના નારા પણ લગાવ્યા હત.

એક તરફ લોકડાઉનમાં ધંધા રોજગાર બંધ હોવાથી લોકોને ભારે હાલાકી ભોગવવાનો વારો આવ્યો હતો. જ્યારે બીજી તરફ વીજ બિલથી પડતા મારને લઇને લોકોમાં નારાજગી જોવા મળી રહી છે. જ્યારે તંત્ર દ્વારા બિલ પણ યુનિટને જોયા વિના જ આપ્યા હોવાનો સ્થાનિકોએ આક્ષેપ કર્યો છે.

સળગતા સવાલ

• ટોરેન્ટના કર્મચારીએ યુનિટ જોયા વિના જ આપ્યું બિલ?
• ટોરેન્ટ પાવર કેમ ખોટી રીતે બિલ આપે છે?
• સામાન્ય જનતા આટલું મોટું બિલ કેવી રીતે ભરશે?
• 48 હજાર સુધીનું બિલ કેવી રીતે ભરશે લોકો?
• લોકોને ખાવાના ફાંફા છે તો બિલ કેવી રીતે ભરશે?
• સરકારની રાહતની વાતો માત્ર કાગળ પર જ છે?
• ટોરેન્ટ લોકોને કેમ નથી આપતું રાહત?
• બિલની રકમ ભરવા ટોરેન્ટ લોકોને મજબૂર કેમ કરે છે?