આનંદો / અમદાવાદીઓને ટૂંક સમયમાં મળી શકે છે વધુ એક મોટી ભેટ, રિવરફ્રન્ટ ખાતે પ્રોજેક્ટની થઈ શકે શરૂઆત

• અમદાવાદીઓને મળી શકે છે વધુ એક ભેટ, 
• સી-પ્લેન બાદ હવે ફ્લોટિંગ રેસ્ટોરન્ટ રિવરફ્રન્ટમાં શરૂ થયા તેવી શકયતા

પ્રાપ્ત થતી જાણકારી પ્રમાણે, અમદાવાદને રાજ્ય સરકાર દ્વારા વધુ એક ભેટ મળી શકે છે. સી-પ્લેન બાદ હવે ફ્લોટિંગ રેસ્ટોરન્ટની ગિફ્ટ મળી શકે છે. આ પ્રોજેક્ટ રિવરફ્રન્ટમાં ફરી શરૂ થયા તેવી શકયતાઓ સેવાઇ રહી છે. 

ફ્લોટિંગ રેસ્ટોરન્ટને મળી શકે મંજૂરી 

નોંધનીય છે કે, બે-ત્રણ વર્ષ પહેલાં સાબરમતી રિવરફ્રન્ટમાં ફ્લોટિંગ રેસ્ટોરન્ટનો રૂટ નક્કી કરવા માટે મેથેમેટિક સરવેનું કામ મંજૂર કરી દેવાયું હતું. પરંતુ પાણીના સ્તરના કરાણે આ પ્રોજેક્ટ છેલ્લા 10 વર્ષથી અટવાયો હતો હતો. પરંતુ સી-પ્લેનને કારણે સાબરમતી નદીમાં પાણીનું સ્તર જાળવવાનું રહેવાનું હોવાથી ફ્લોટિંગ રેસ્ટોરન્ટની તકમાં પણ વધારો થયો છે. જેને લઇને આગામી દિવસોમાં આ પ્રોજેક્ટ પર કામકાજ શરૂ કરવામાં આવી શકે છે. 

શું છે ફ્લોટિંગ રેસ્ટોરન્ટ

ફ્લોટિંગ રેસ્ટોરન્ટ પ્રોજેક્ટ પાછળ આશરે 5 કરોડ રૂપિયાનો ખર્ચ થઈ શકે છે. આ રેસ્ટોરન્ટમાં 300 લોકો બેસી શકે એટલી સ્પેસ હોય છે, સાથે જ આ બોટને એક દિવસમાં ત્રણ ટ્રિપ અને શનિ-રવિની રજાઓમાં 5 ટ્રિપ કરાવી શકાય છે