બેદરકારીની હદ / મહામારી મારી નાંખશે: આ ડૂમો ભરાયેલી આજીજી સાહેબ તમને નથી સંભળાતી? જુઓ VIDEO

• SVP હોસ્પિટલ છે આખરે કોના માટે?
• લોકોને જ તેમાં જગ્યા ન મળે તો તે શું કામની?
• મહિલાના દીકરા અને સસરા ન કરાયા એડમિટ

અમદાવાદની SVP હોસ્પિટલની આડોડાઈથી ત્રસ્ત એક મહિલાની આજીજીનો કરૂણ વીડિયો સામે આવ્યો છે. અમદાવાદના પાલડી વિસ્તારની મહિલાએ વીડિયો બનાવી પોતાની પરિસ્થિતિની વેદના વ્યક્ત કરી છે. પોતાના દીકરા અને સસરાને SVPમાં દાખલ કરવા માટે વીડિયોમાં આજીજી કરી રહી છે.

મહિલાએ કોર્પોરેટર પાસે પણ માગી મદદ પરંતુ..

મહિલાએ વીડિયોમાં કહ્યું કે, કોર્પોરેટરોની મદદ માગી પરંતુ પોતાની મનમાની ચલાવતા SVPના તંત્રએ કોઈને પણ એડમિટ કર્યા નહીં. મહિલાનો દીકરો સેરેબ્રલ પાલ્સીનો દર્દી અને સસરા અનેક બીમારીઓ સાથે કોરોના પોઝિટિવ છે. 81 વર્ષના વૃદ્ધને બી.પી, ડાયાબિટીસ, ઝાડા સહિત કોરોના પોઝિટિવ છે. અનેક તકલીફ હોવા છતાં પણ SVP હોસ્પિટલ દાખલ કરી રહી નથી.

હોસ્પિટલ દ્વારા બહાના દેખાડવામાં આવી રહ્યા છે

હોસ્પિટલ તંત્ર દ્વારા બહાના બતાવવામાં આવી રહ્યા છે. જેમાં બેડ ખાલી ન હોવાનું કહી વૃદ્ધાને દાખલ કરવામાં આવતા નથી. અંતે મહિલા દ્વારા સોશિયલ મીડિયા પર વીડિયો વાયરલ કરી રોષ વ્યક્ત કરાયો છે. એક તરફ કોઈ મહિલા પોતાના પરિવારની સારવાર માટે લડાઈ લડી રહી છે. ત્યારે તંત્રની ઘોર બેદરકારી સામે આવી છે.

ગુજરાતમાં કોરોનાની સ્થિતિ શું છે?

નવા વેરિયેન્ટને કારણે ગુજરાતમાં કોરોનાનો ખતરો વધુ ગંભીર બની શકે છે. ગુજરાતમાં આફ્રિકા, યુકે, અને બ્રાઝિલના વેરિયન્ટ જોવા મળ્યો છે. તે ખૂબ ઝડપથી ફેલાઇ રહ્યો છે. નવા કોરોનામાં લક્ષણોની વાત કરીએ તો, શરદી-ખાંસી-તાવના લક્ષણો ગાયબ છે. ઝાડા-ઉલ્ટી અને પેટમાં દુખાવાના નવા લક્ષણો સામે આવ્યા છે.

હોસ્પિટલ અને નર્સિંગ એસો.ના પ્રમુખ ભરત ગઢવીએ કહ્યું કે, નવો કોરોના રેપીડ અને RTPCRમાં પકડાતો નથી જ્યારે HRCT ટેસ્ટમાં દર્દી કોરોના પોઝિટિવ જોવા મળ્યા છે. જોકે, તેમનું કહેવું છે કે, નવો કોરોના ઓછો ગંભીર છે અને તેનાથી બચવા માસ્ક-સોશિયલ ડિસ્ટન્સનું પાલન જ સૌથી મોટો ઉપાય છે.