Fraud / અન્યની નંબર પ્લેટ લગાવનાર ફ્રોડ વ્યક્તિની ધરપકડ, ઇ-મેમો દ્વારા મામલો પ્રકાશમાં

અમદાવાદઃ તમારી ગાડીની નંબર પ્લેટ બીજાની ગાડીમાં લગાવી દે અને તમારા નામ પર ઈ-મેમો આવે તો... ત્યારે આવી જ વાહનની નંબર પ્લેટમાં ગોલમાલ કર્યુ હોવાંની એક ઘટના સામે આવી છે. આવી જ એક ગોલમાલનો કિસ્સો અમદાવાદમાં સામે આવ્યો છે. એક કાર ચાલકે પોતાની કારમાં અન્ય કારનાં નંબરની પ્લેટ લગાવી દીધી. પરંતુ ટ્રાફિકનાં નિયમનો ભંગ કરતા જે કાર ચાલકનાં નામે ગાડીનાં નંબર હતાં તેનાં ઘરે ઈ-મેમો પહોંચ્યો.

જો કે આ રીતે પોતાનાં નામે ઈ-મેમો આવતા કાર ચાલકને શંકા ગઈ અને તે નવરંગપુરા પોલીસ કમિશ્નર કચેરી પહોંચી ગયો અને આ સમગ્ર મામલે તપાસ કરતા જે કાર ચાલકે ગોલમાલ કરી હતી તેને પકડી પાડ્યો. ત્યારે પોલીસે હાલ આ સમગ્ર મામલે ગુનો નોંધીને તપાસ હાથ ધરી.

મહત્વનું છે કે હાલમાં અમદાવાદમાં HSRP નંબર વગરનાં વાહનોને દંડ આપવાની કામગીરી હાથ ધરવામાં આવી રહી છે. ત્યારે એવામાં ઇ-મેમોને લઇને શહેરમાં એક ગોલમાલનો કિસ્સો સામે આવ્યો છે. જેમાં એક કાર ચાલકે અન્ય એક કાર ચાલકની નંબર પ્લેટ પોતાની ગાડીમાં લગાડી દેતા મૂળ કાર ચાલકને ઘરે મેમો ગયા બાદ બાદમાં પોલીસ તપાસ હાથ ધરતા આ સમગ્ર ઘટના પ્રકાશમાં આવી છે. જેને લઇને તપાસ હાથ ધરતા પોલીસે તે કાર ચાલકની ધરપકડ કરી લીધી છે.