અમદાવાદમાં અસામાજિક તત્વોને જાણે પોલીસનો કોઇ ડર રહ્યો ન હોય તેમ લાગી રહ્યું છે. શહેરમાં જાહેરમાં ફાયરિંગની ત્રણ ઘટનાઓ સામે આવી છે. બાપુનગર, દાણીલીમડા અને મેઘાણીનગરમાં જાહેરમાં ફાયરિંગ કરવામાં આવ્યું છે.
અમદાવાદમાં જાહેરમાં ફાયરિંગના વીડિયો
તલવારથી કેક કટિંગ અને ફાયરિંગ કર્યું
લગ્ન સમારોહમાં હુક્કાબાર અને ફાયરિંગ
અમદાવાદના બાપુનગર વિસ્તારમાં જાહેરમાં કેક કાપતો અને ફાયરિંગનો વીડિયો વાયરલ થયો હતો. ત્યારબાદ પોલીસે કાર્યવાહી કરીને દેવ બાદશાહ, ફાયરિંગ કરનાર યુવક સહિત 5ની ધરપકડ કરી છે.
બીજો વીડિયો દાણીલીમડામાં લગ્ન સમારોહમાં હુક્કાબાર અને ફાયરિંગનો સામે આવ્યો છે. પોલીસે વીડિયો વાયરલ અંગે તપાસ હાથ ધરી છે અને ત્રીજો વીડિયો અમદાનાદના મેઘાણીનગરમાં દિવાળીના દિવસે યુવકો દ્વારા ફાયરિંગ કરવામાં આવ્યું હતું. પર્ણકુંજ સોસાયાટીના નામે વીડિયો વાયરલ થયો હતો.
બાપુનગરમાં બર્થડે નિમિત્તે ફાયરિંગનો મામલો
અમદાવાદના બાપુનગરમાં બર્થડે નિમિત્તે ફાયરિંગ મામલે પોલીસે દેવ બાદશાહ સહિત 5ની ધરપકડ કરી હતી. અમદાવાદના બાપુનગર વિસ્તારમાં જાહેરમાં કેક કાપતો અને ફાયરિંગનો વીડિયો વાયરલ થયો હતો. જેમાં દેવ બાદશાહ નામનો યુવક પોલીસનો કોઇ જ પ્રકારનો ડર ન હોય તેમ જાહેર રસ્તા પર તલવારથી કેક કાપતો અને અને જાહેરમાં ફાયરિંગ કરતો નજરે પડ્યો હતો. જો કે ત્યારબાદ પોલીસે કાર્યવાહી કરીને ફાયરિંગ કરનાર યુવક સહિત 5ની ધરપકડ કરી છે.
મેઘાણીનગરમાં ફાયરીંગ
અમદાવાદના મેઘાણીનગરમાં દિવાળીના દિવસે યુવકો દ્વારા ફાયરિંગ કરી હોવાની ઘટના સામે આવી છે. મેઘાણીનગરના પર્ણકુંજ સોસાયટીના નામે ફાયરિંગ કરતો વીડિયો વાયરલ થયો હતો.
લગ્ન સમારોહમાં હુક્કાબાર અને ફાયરિંગ
અમદાવાદમાં લગ્ન સમારોહમાં હુક્કાબાર અને ફાયરિંગનો વીડિયો વાયરલ થયો હતો. જો કે આ ગુડલક પાર્ટી પ્લોનો હોવાની શક્યતા વ્યક્ત કરવામાં આવી હતી. દાણીલિમડામાં હુક્કાબારની પાર્ટી અને ફાયરિંગથી સુરક્ષાને લઇને સવાલ ઉભા થયા હતા.