અમદાવાદના ઓઢવ વિસ્તારમાં આવેલા આદિનાથનગરમાં પોલીસ અને બુટલેગર વચ્ચે ઘર્ષણ થયું છે. ત્યારે હવે બુટલેગર રાજુ સોલંકીએ સોશિયલ મીડિયામાં એક વીડિયો વાયરલ કર્યો છે. બુટલેગરે એવાં આક્ષેપ પણ કર્યા છે કે, પોલીસે દીકરીના કપડાં ફાડીને માર મારતા તેણે ફીનાઈલ પીધો હતો.
અમદાવાદ (Ahmedabad) ના ઓઢવ (Odhav) વિસ્તારમાં આવેલા આદિનાથનગરમાં પોલીસ અને બુટલેગર (Bootlegger) વચ્ચે ઘર્ષણ થયું છે. ત્યારે હવે બુટલેગર રાજુ સોલંકીએ સોશિયલ મીડિયામાં એક વીડિયો (video) વાયરલ કર્યો છે. આ વીડિયોમાં બુટલેગરે પોલીસ પર સાંઠગાંઠ અને હપ્તાખોરીના આક્ષેપ કર્યા છે. ઓઢવમાં દારૂના અડ્ડાઓ ધમધમી રહ્યાં હોવાનો બુટલેગરનો ઘટસ્ફોટ કરતા પોલીસ પર પણ સવાલ ઉઠ્યાં છે.
આ સાથે જ બુટલેગરે એવાં આક્ષેપ પણ કર્યા છે કે, પોલીસે દીકરીના કપડાં ફાડીને માર મારતા તેણે ફીનાઈલ પીધો હતો. ત્યારે દીકરી સારવાર લેતી હોવા છતાં પોલીસે ગુનો ન નોંધ્યાનો પણ બુટલેગરે આક્ષેપ કર્યો છે. ઓઢવ વિસ્તારમાં દારૂના અડ્ડાઓ ચાલતા હોવા છતા પોલીસ અડ્ડાઓને શોધવામાં કેમ નિષ્ફળ સાબિત થઈ હોવાનું સામે આવ્યું છે. આ પહેલા પોલીસે નયન બારોટની હત્યાના ગુનામાં કુખ્યાત રાજુ સોલંકીની ધરપકડ કરી હતી.
બાદમાં રાજુ સોલંકી પેરોલ પર છુટ્યો હતો. પેરોલ પર છુટ્યા બાદથી જ આરોપી રાજુ સોલંકી છે. બુટલેગર વીડિયોમાં દાવો કરે છે કે ઓઢવ પોલીસની દેખરેખ હેઠળ રોજની 500 પેટી ઇંગ્લિશ દારૂ વેચાય છે અને ઝોન-5ના ડીસીપી અક્ષયરાજ મકવાણાની દેખરેખ હેઠળ રોજની 2 હજાર પેટી ઇંગ્લિશ દારૂ અમદાવાદમાં વેચાય છે.
મહત્વનું છે કે બે દિવસ પહેલા જ ઓઢવના આદિનાથનગરમાં આ બુટલેગર રાજુ સોલંકી દારૂનો ધંધો કરી રહ્યો હોવાની બાતમી મળી હતી ત્યારે તે બાતમીના આધારે ઓઢવ પોલીસ ત્યાં પહોંચી હતી ને ત્યારે પોલીસ અને બુટલેગર વચ્ચે ઘર્ષણ થયુ હતું. એવામાં બુટલેગર ત્યાંથી મોકો જોઇને ફરાર થઇ ગયો હતો.
આ સમગ્ર ઘટનાને લઇને તેને જ્યારે આ વીડિયો વાયરલ કર્યો છે ત્યારે તેને લઇને અનેક તર્ક વિતર્કો થઇ રહ્યાં છે. તેને વાયરલ કરેલા વીડિયોમાં પોલીસ પર આક્ષેપ કરતા પહેલો આક્ષેપ એવો કર્યો છે કે પોલીસ દ્વારા તેની દીકરી સાથે બિભત્સ વર્તન કરવામાં આવ્યું છે ઉપરાંત તેના કપડાં પણ ફાડી નાખવામાં આવ્યાં હતાં.
જેથી આ ઘટનાને લઇને દીકરીએ આપઘાતનો પણ પ્રયાસ કર્યો હતો. ઉપરાંત બીજો આક્ષેપ લગાવ્યો હતો કે ઓઢવ વિસ્તારમાં ઘણી બધી જગ્યાએ દારૂના અડ્ડાઓ ચાલતા હોવા છતા પોલીસ અડ્ડાઓને શોધવામાં કેમ નિષ્ક્રિય છે. તો આ સમગ્ર મામલે જ્યારે ગુજરાતમાં દારૂબંધીની વાતો કરવામાં આવી રહી છે ત્યારે એક બુટલેગર જ્યારે પોલીસને પડકાર ફેંકે ત્યારે એવાં પ્રશ્નો જરૂર ઉભા થાય કે શું ગુજરાતમાં દારૂબંધીને લઇ પોલીસ સક્રિય છે કે નહીં.