ગુજરાતી યુવાનો ઈસરો અને નાસામાં કે વૈજ્ઞાનિક શોધખોળમાં ઓછો ભાગ લે છે એવી એક માન્યતા છે
દરજીકામ કરતા કરતા કરી શોધ
પરિવારનું ભરણ-પોષણ અને શિક્ષણ એકસાથે
નાસા ઉપરાંત નીરવ ઈસરો ( ISRO ) ના પણ 20થી વધુ પ્રમાણપત્રો મેળવી ચૂક્યો
ગુજરાતી યુવાનો ઈસરો અને NASAમાં કે વૈજ્ઞાનિક શોધખોળમાં ઓછો ભાગ લે છે એવી એક માન્યતા છે ત્યારે નીરવ નામના યુવાને દરજીકામની સાથે સાથે પરિવારનું પોષણ કરવાની સાથે સાથે ગુજરાતનું નામ પણ ગૌરાવંતીત કર્યુ છે.
બાળપણથી જ તે ઘરઘરાઉ દરજીકામમાં માતાને મદદ કરતો
નીરવ 7મા ધોરણમાં હતો ત્યારે તેના પિતાનું અવસાન થયું હતું. બહુ નાની વયથી જ માતા અને બહેનને સંભાળવાની જવાબદારી તેના પર આવી ગઈ હતી. બાળપણથી જ તે ઘરઘરાઉ દરજીકામમાં માતાને મદદ કરતો હતો. કોલેજમાં પ્રવેશ લીધા બાદ ખાનગી કંપનીમાં ડેટા એન્ટ્રી ઓપરેટર તરીકે નોકરી કરીને આવક વધારવા પ્રયાસ કરતો હતો. વિજ્ઞાનમાં તેની રુચિ હતી, પરંતુ એ માટે તેની પાસે મોંઘાં ઉપકરણો કે સંસાધનો વસાવવાની ક્ષમતા ન હતી.
નીરની અભ્યાસ પ્રત્યે ધગશ હોવાથી એકપણ અભાવને તેણે આડે આવવા દીધા નથી. પાડોશીએ અપાવેલા લેપટોપની મદદથી તેણે આ સંશોધન કર્યા છે. નાસાના સર્ટિફિકેટ અગાઉ તે ઈસરો દ્વારા વિદ્યાર્થીઓ માટે ચાલતાં સંશોધન માટેનાં 20 જેટલાં સર્ટિફિકેટ કોર્સ કરી ચૂક્યો છે. નીરવની ધગશ જોઈને હવે તેના ત્રણ મિત્રો પણ ખગોળ સંશોધનમાં રસ ધરાવતા થઈ ચૂક્યા છે.
નાસા ઉપરાંત નીરવ ઈસરોના પણ 20થી વધુ પ્રમાણપત્રો મેળવી ચૂક્યો
NASA દ્વારા અપાયેલી 200થી વધુ તસવીરોનું તેણે ઝીણવટપૂર્વક પૃથક્કરણ (Analysis) કર્યું. જે ઉલ્કાપિંડોને ઓળખાયેલા ન હોય તેમને સાંકેતિક નામ આપવામાં આવ્યા હોય છે. નીરવે પોતાને મળેલી તસવીરોમાંથી PPGUpj નામના લઘુગ્રહને અભ્યાસ માટે પસંદ કર્યો. તમામ તસવીરોનું તેણે ડિજિટલ ઈમેજ પ્રોસેસિંગના સોફ્ટવેરની મદદથી સતત બે મહિના સુધી બારીકાઈથી નિરીક્ષણ કર્યું અને એની સંબંધિત વિગતોનો ચાર્ટ તૈયાર કર્યો. પોતે મેળવેલી માહિતી તેણે નાસાને નિશ્ચિત ફોર્મેટમાં પૂરી પાડી, જેને નાસાએ સ્વીકારી. એટલું જ નહિ, આ ટાસ્ક સફળતાપૂર્વક પાર પાડવા બદલ તેને સર્ટિફિકેટ પણ આપ્યું. નાસા ઉપરાંત નીરવ ઈસરોના પણ 20થી વધુ પ્રમાણપત્રો મેળવી ચૂક્યો છે.
કેવી રીતે મેળવી તક?
અમેરિકાની અવકાશ સંસ્થા નાસાની પેટાસંસ્થા જેટ પ્રપલ્ઝન લેબોરેટરી ખગોળવિજ્ઞાનના સંશોધનક્ષેત્રે વિશ્વભરના પ્રતિભાશાળી વિદ્યાર્થીઓને તક આપતી હોય છે. વર્ષમાં બેવાર અપાતી આ તકમાં નાસા પોતે લીધેલી અવકાશની તસવીરોમાં દેખાતા ઉલ્કાપિંડ ઓળખવા વિદ્યાર્થીઓને ચેલેન્જ આપે છે. વિદ્યાર્થીઓએ તસવીરોના આધારે અવકાશનો અભ્યાસ કરીને ઉલ્કાપિંડનાં કદ, આકાર, બનાવટનો પ્રકાર, અવકાશમાં સ્થાન સહિતની વિગતો પૂરી પાડવાની હોય છે. ઉલ્કાની ઓળખ સ્પષ્ટ બન્યા બાદ નાસા એ અંગે વિશેષ સંશોધન હાથ ધરે છે. ઉલ્કાપિંડ પૃથ્વી માટે હાનિકારક છે કે કેમ એ જાણવાનો આ સંશોધનનો મુખ્ય હેતુ હોય છે. નીરવે આ ટાસ્ક માત્ર બે મહિનામાં પૂરો કર્યો હતો.