ચૂંટણી પહેલાં કોંગ્રેસ માટે રાહતના સમાચારઃ આ ધારાસભ્યો કરી શકે છે ઘરવાપસી

અમદાવાદ: લોકસભા ચૂંટણી પહેલા ભાજપને ઝટકો આપવા કોંગ્રેસે ભરતી મેળો શરુ કર્યો છે જેમાં ભાજપ સરકારમાં મંત્રી રહેલા પૂર્વ ધારાસભ્ય બિમલ શાહ અને બારડોલીના પૂર્વ ધારાસભ્ય અનિલ પટેલ તેમના સમર્થકો સાથે કોંગ્રેસમાં જોડાયા છે. ભાજપમાં ખરા ખરા કાર્યકર્તાઓ સાથે અન્યાય થતો હોવાની ફરિયાદ સાથે બંને પૂર્વ ધારાસભ્યો કોંગ્રેસમાં કોઈપણ શરત વગર જોડાયા છે. 

ચૂંટણી પહેલા જોવા મળતી પક્ષ પલ્ટાની શરૂઆત ગુજરાતના રાજકારણમાં શરુ થઇ ગઈ છે. ભાજપ પૂર્વ મંત્રી ધારાસભ્ય બિમલ શાહ ભાજપને રામ રામ કહીને કોંગ્રેસમાં વિધિવત રીતે જોડાતા ભાજપના ગઢમાં ગાબડું પડ્યું છે. ત્યારે તાજેતરમાં મળેલ Vtvને સૂત્રો દ્વારા મળેલ માહિતી મુજબ કોંગ્રેસના કેટલાક નેતાઓ ઘરવાપસી કરી શકે છે.

ભાજપમાં જોડાયેલા રાઘવજી પટેલ સહિત પ્રહલાદ પટેલ માનસિંહ ચૌહાણ છનાભાઇ ચૌધરી ફરીવાર ઘરવાપસી કરી શકે તેવા સમાચારો પ્રાપ્ત થયાં છે. જો કે આ વાતને રાઘવજી પટેલે ખોટી ગણાવી હતી. રાઘવજી પટેલે ઘર વાપસીની ચર્ચાઓ મુદ્દે ખુલાસો કરતા જણાવ્યું કે મારા હિત શત્રુઓ અફવા ફેલાવે છે ભાજપમાં અસંતોષ ઉભો કરવાનો વિરોધીઓનો ખોટો પ્રચાર કરવામાં આવી રહ્યો છે.  
 

#LokSabha ની ચૂંટણી પહેલા નેતાઓ કરી શકે છે ઘરવાપસી #Congress માં પરત ફરી શકે છે નેતાઓ રાઘવજી પટેલ કોંગ્રેસમાં જોડાય તેવી શક્યતા ગત ચૂંટણીમાં ભાજપમાંથી રાઘવજીનો થયો હતો પરાજય રાઘવજી પટેલે કોંગ્રેસમાં જવાની વાતને રદીયો આપ્યો pic.twitter.com/itLLpfIU3G

— VTV Gujarati News (@VtvGujarati) January 21 2019

ઉલ્લેખનીય છે કે લોકસભાની ચૂંટણીના પડઘમ વાગી રહ્યા છે ત્યારે દરેક રાજકીય પક્ષ પોતાના સોગઠા ગોઠવવામાં મગ્ન બન્યા છે. ત્યારે આજરોજ કપડવંજ બેઠકના ભાજપના પૂર્વ ધારાસભ્ય બિમલ શાહ પોતાના સમર્થકો સાથે કોંગ્રેસમાં જોડાતા રાજકારણ ગરમાયું હતું.

ગુજરાત કોંગ્રેસના પ્રભારી રાજીવ સાતવ પ્રદેશ અધ્યક્ષ અમિત ચાવડા તથા અહમદ પટેલ ભરતસિંહ સોલંકી તથા અર્જુનભાઇ મોઢવાડિયાની ખાસ ઉપસ્થિતિમાં તેમણે કોંગ્રેસનો ખેસ ધારણ કર્યો હતો. આ સાથે જ બારડોલીના પૂર્વ ધારાસભ્ય પણ કોંગ્રેસમાં જોડાતા લોકસભા ચૂંટણી પહેલા ભાજપને મોટો ફટકો પડ્યો હતો. 

બિમલ શાહનું નિવેદન
ભાજપ છોડતા ની સાથે જ બિમલ શાહે ભાજપ પર આક્ષેપો કરતા જણાવ્યું હતું કે અમે લાગણીઓ સાથે ભાજપ ને ઉભી કરી હતી પરંતુ આજે ભાજપ પાવર પાર્ટી બની ગઈ છે જ્યાં તમામ જગ્યા પર સક્ષમ કાર્યકર્તાઓને હાંસિયામાં ધકેલવામાં આવ્યા છે.

સાથે જ આષ્ચર્ય પણ વ્યક્ત કર્યું હતું કે મને ખબર નથી પડતી કે હજીપણ પાર્ટીમાં રહેલા મિત્રો કેમ ચૂપ બેઠા છે.. તો અનિલ પટેલે પણ કોઈપણ શરત વગર કોંગ્રેસમાં જોડાયા હોવાનું જણાવ્યું હતું.