છેતરપિંડી / બનાવટી દસ્તાવેજો દ્વારા ક્રેડિટ કાર્ડ કઢાવી કરોડોની ઠગાઇ કરતી ગેંગ ઝબ્બે, મોડસ ઓપરેન્ડી જોઈ પોલીસ પણ ચોંકી

• અમદાવાદમાં શિક્ષિત વ્યક્તિઓનું શરમજનક કૃત્ય 
• ખાનગી બેંક સાથે રૂપિયા કરોડોની છેતરપિંડી 
• છેતરપિંડીમાં તબીબો અને બેન્ક કર્મચારીનો સમાવેશ

કરોડો રૂપિયાની છેતરપીંડીના ગુનામાં ઝડપાયેલા આ સાત આરોપીઓ પૈકી ત્રણ ડોકટર્સ અને બેન્કિંગ ક્ષેત્રે કામ કરી ચૂકેલા લોકો છે. જેમાં નિખિલ પટેલ, ગૌરવ પટેલ, જયેશ મકવાણા, પ્રતીક પરમાર, જીગર પંચાલ, ચીમન ડાભી અને પાર્થ પટેલની ધરપકડ કરવામાં આવી છે. ઝડપાયેલ આરોપીઓએ એક સાથે મળીને ખાનગી બેંક સાથે રૂપિયા એક કરોડ તેર લાખથી વધુની છેતરપીંડી કરી હોવાનું તપાસમાં બહાર આવ્યું છે.આરોપી પાસેથી પોલીસે સંખ્યા બંધ ક્રેડિટ કાર્ડ, પીઓએસ મશીન, લેપટોપ, મોબાઈલ ફોન સહિતનો મુદ્દામાલ કબજે કર્યો છે.

આરોપીઓએ 500 થી વધુ ક્રેડિટ કાર્ડ મેળવ્યા
આપને જણાવી દઈએ કે આ આરોપીઓ બેન્ક સાથે ઠગાઈ કરવા  બનાવટી કંપની, બનાવટી કર્મચારી ઉભા કરી કર્મચારીનું બેન્ક એકાઉન્ટ ખોલાવી પગાર જમા કરાવી તે બેન્ક એકાઉન્ટ પરથી ક્રેડિટ કાર્ડ મેળવી ઠગાઈ આચરતા હતા. આરોપીઓએ પી.ઓ.એસ મશીન પણ મેળવ્યા હતા અને આ ક્રેડિટ કાર્ડ સ્વાઇપિંગ મશીનના માધ્યમથી રૂપિયા ટ્રાંજેક્ટ કરી બેન્ક સાથે કરોડો રૂપિયાની ઠગાઈ કરી હોવાનું ખુલ્યું. આર્થિક ગુના નિવારણ શાખાની તપાસમાં સામે આવ્યું છે કે આરોપીઓએ 500 થી વધુ ક્રેડિટ કાર્ડ મેળવ્યા છે. આરોપી પાસેથી પોલીસે સંખ્યા બંધ ક્રેડિટ કાર્ડ, પીઓએસ મશીન, લેપટોપ, મોબાઈલ ફોન સહિતનો મુદ્દામાલ કબજે કર્યો છે. આરોપીઓએ એક સાથે મળીને ખાનગી બેંક સાથે રૂપિયા એક કરોડ તેર લાખથી વધુની છેતરપીંડી કરી હોવાનું તપાસમાં બહાર આવ્યું છે.

કેવી રીતે છેતરપિંડી આચરી
ઝડપાયેલા સાત આરોપીઓની પૂછપરછ કરતા તેમની અનોખી મોડ્સ ઓપરેન્ડી સામે આવી. જેમાં બેન્ક સાથે ઠગાઈ કરવા આરોપીઓએ બનાવટી કંપની, બનાવટી કર્મચારી ઉભા કરી કર્મચારીનું બેન્ક એકાઉન્ટ ખોલાવી પગાર જમા કરાવી તે બેન્ક એકાઉન્ટ પરથી ક્રેડિટ કાર્ડ મેળવી અન્ય ત્રણ બનાવટી કંપનીઓ કાગળ ઉપર શરૂ કરી. પી.ઓ.એસ મશીન મેળવ્યા હતા અને આ ક્રેડિટ કાર્ડ સ્વાઇપિંગ મશીનના માધ્યમથી રૂપિયા ટ્રાંજેક્ટ કરી બેક સાથે કરોડો રૂપિયાની ઠગાઈ કરી હોવાનું ખુલ્યું છે તેમજ બેંક સાથે થયેલી છેતરપીંડી કેસમાં કરોડો રૂપિયાનો આંકડો વધી શકે તેવી શકયતા છે.

બેન્કના કર્મચારીઓની સંડોવણીની તપાસ
બેંક સાથે કરેલી કરોડો રૂપિયા ઠગાઈ કેસમાં મુખ્ય આરોપી નિખિલ પટેલ છે.જેણે અગાઉ બેંકમાં નોકરી કરી ચુક્યો છે જેથી બેંક સાથે છેતરપીંડી કરવા આખી ટોળકી ઉભી કરી હોવાનું સામે આવ્યું છે. જોકે બેંકોના કર્મચારીઓ પણ આ કૌભાંડમાં સંડોવાયેલા હોવાની શક્યતાઓ સામે આવી.જે દિશામાં આર્થિક ગુના નિવારણ શાખા દ્વારા તપાસ શરૂ કરાઇ છે.