અમદાવાદના નવા મેયર તરીકે કિરીટ પરમારની વરણી કરવામાં આવી છે. જ્યારે ગીતા પટેલ ડેપ્યુટી મેયર બનાવવામાં આવ્યા છે.
અમદાવાદના નવા મેયર તરીકે કિરીટ પરમારની વરણી
ડેપ્યુટી મેયર તરીકે ગીતા પટેલની વરણી
સ્ટેન્ડિંગ કમિટીના ચેરમેન તરીકે હિતેશ બારોટ
ઉલ્લેખનીય છે કે, તાજેતરમાં ગુજરાતમાં યોજાયેલ છ મહાનગરપાલિકાની ચૂંટણીમાં ભાજપના ભવ્ય વિજય બાદ આજથી મહાનગરપાલિકામાં મેયર અને ડેપ્યુટી મેયર, સ્ટેન્ડિંગ કમિટીના ચેરમેનની નિમણૂંક શરૂ કરવામાં આવી રહી છે. ત્યારે સૌ પ્રથમ અમદાવાદના મેયરના તથા કમિટીના સભ્યોની નામની જાહેરાત કરવામાં આવી હતી.
અમદાવાદને મળ્યા નવા મેયર
જેમાં અમદાવાદના નવા મેયર તરીકે કિરીટ પરમાર તથા ડેપ્યુટી મેયર તરીકે ગીતા પટેલના નામ પર મહોર લગાવવામાં આવી છે તો સ્ટેન્ડિંગ કમિટી ચેરમેન પદે હિતેશ બારોટ અને ભાસ્કર ભટ્ટને શાસક પક્ષના નેતા તરીકે અને દંડક તરીકે અરુણસિંહ રાજપૂતની પસંદગી કરવામાં આવી છે.
17 કોર્પોરેટરે ફોર્મ ભર્યા હતા
અમદાવાદ મ્યુન્સિપલ કોર્પોરેશનની સ્ટેન્ડિંગ કમિટી ચેરમેન પદ માટે 17 કોર્પોરેટરે ફોર્મ ભર્યા છે. આવતીકાલે મનપાની સામાન્ય સભા મળવાની છે તે પેહલા સ્ટેન્ડિંગ કમિટીના 12 સભ્યો માટે મ્યુન્સિપલ સેક્રેટરી સમક્ષ 17 કોર્પોરેટરે ફોર્મ ભર્યા હતાં. જેમાં હિતેશ બારોટ, જૈનિક વકીલ, જતીન પટેલ અને પ્રિતિશ મેહતા પ્રબળ દાવેદાર છે. આવતીકાલ સામાન્ય સભામાં મેયરના નામ પર મહોર લાગ્યા બાદ અન્ય દાવેદારો ફોર્મ પરત ખેચશે. તો સામાન્ય સભામાં મેયર અને ડેપ્યુટી મેયર પણ નક્કી થશે.