કાર્યવાહી / માનવ તસ્કરીને લઈ મહિલા ક્રાઈમ બ્રાન્ચની કાર્યવાહી, 16 વર્ષીય સગીરાને દેહવ્યાપારમાંથી મુક્ત કરાવાઈ

અમદાવાદમાં હ્યુમન ટ્રાફિકિંગને લઈ મહિલા ક્રાઈમ બ્રાન્ચની મોટી કાર્યવાહી સામે આવી છે. નરોડામાંથી 16 વર્ષીય સગીરાને દેહવેપારમાંથી મુક્ત કરાવાઈ છે. બાંગ્લાદેશી સગીરાને દેહવેપારમાં ધકેલાઈ હતી. ક્રાઈમ બ્રાન્ચ અને મહિલા પોલીસના કોમ્બિંગ દરમિયાન સગીરા રોડ પરથી મળી છે. સગીરાની પૂછપરછ કરતા દેહવેપારનો ખુલાસો થયો છે.

16 વર્ષીય સગીરાને દેહવેપારમાંથી મુક્ત કરાવાઈ

દોઢ વર્ષ પહેલા બાંગ્લાદેશથી સગીરાનું અપહરણ કરાયું હતું જ્યારે અપહરણ મામલે બાંગ્લાદેશમાં ગુનો પણ નોંધાયો હતો. સગીરાનું અપહરણ કરી ગેરકાયદે ભારતમાં લવાઈ હતી અને ભારતમાં લાવી સગીરાને દેહવેપારમાં ધકેલી દેવામાં આવી હતી. જો કે, સમગ્ર મામલે પોલીસ વધુ તપાસ હાથ ધરી છે. સગીરાને મેડિકલ તપાસ માટે હોસ્પિટલમાં મોકલાઈ છે તેમજ ઘટના અંગે પોક્સો, દુષ્કર્મ અને હ્યુમન ટ્રાફિકિંગ એક્ટ હેઠળ ગુનો નોંધાયો છે

આ પણ વાંચો: અમેરિકામાં ગુજરાતી પરિવાર પર ગોળીબાર, પિતા અને પુત્રીના મોત

ACP ભરત પટેલનું નિવેદન

ક્રાઇમ બ્રાન્ચ ACP ભરત પટેલે કહ્યું કે, ''અમદાવાદમાં લાંબા સમય સુધી તપાસ થઈ હતી જે બાદ બાતમી મળી હતી. આ સગીરાને રાખનાર સુલેતાસિંહની ધરપકડ કરવામાં આવી છે. આ સગીરાને જંગલના રસ્તાથી બાંગ્લાદેશથી કોલકાતાલ લાવવામાં આવી હતી. ત્યારબાદ અમદાવાદ લાવવામાં આવી હતી. આ આરોપીના દીકરાએ પણ દુષ્કર્મ આચરેલુ છે. આ પ્રકરાના એજન્ટોની તપાસ હાથ ધરવામાં આવી છે''

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ