હાલ ગુજરાતમાં સ્થાનિક સ્વરાજની ચૂંટણીના પરિણામ જાહેર થઈ રહ્યા છે ત્યારે એક મહિલા કાર્યકર ચોધાર આંસુએ રડી પડ્યા છે.
અમદાવાદ દરિયાપુર વોર્ડમાં ભાજપ નો પરાજય
પરાજય થતા જ મહિલા કાર્યકર રડી પડ્યા
મહેનત બાદપણ પરિણામ ના મળતા મહિલા કાર્યકર થયા ભાવુક
હાલ ગુજરાતમાં સ્થાનિક સ્વરાજની ચૂંટણીના પરિણામ જાહેર થઈ રહ્યા છે ત્યારે 6 મહાનગરપાલિકાની 21મી તારીખે ચૂંટણી યોજાઈ હતી અને મતદાન થયું હતુ. આ અંગે હાલ મતગણતરી ચાલી રહી છે. ત્યારે કહી ખુશી કહીં ગમ જેવો માહોલ જોવા મળી રહ્યો છે. અમદાવાદમાં એક બેઠક પર ભાજપની હાર થતાં મહિલા કાર્યકર રીત સર રડી પડ્યા હતા.
અમદાવાદ મહાનગરપાલિકાની ચૂંટણીમાં દરિયાપુરમાં કોંગ્રેસની જીત થઈ છે. અમદાવાદ દરિયાપુર વોર્ડમાં ભાજપનો પરાજય થયો હતો. પરાજય થતા જ મહિલા કાર્યકર રડી પડ્યા હતા. મહેનત બાદ પણ પરિણામ ના મળતા મહિલા કાર્યકર ભાવુક થઈ ગયા હતા. 25 વર્ષની મહેનત બાદ પણ પરિણામ ના મળતા મહિલાની આંખો ભીંજાઈ ગઈ હતી.
કોંગ્રેસે બે બેઠક પર જીત મેળવી
દાણી લીમડા
દરિયાપુર
9 બેઠક પર ભાજપનો વિજય
સરદાર નગર, ગોતા, ખોખરા અને નવા વાડજમાં ભાજપની જીત થઈ છે. અમદાવાદના થલતેજ વોર્ડમાં ભાજપની પેનલની જીત થઈ છે. સાથે જ ભાજપે વસ્ત્રાલમાં પણ જીત હાંસલ કરી છે. સઈઝપુર બોઘા અને જોધપુર વોર્ડમાં અને નવરંગપુરામાં પણ ભાજપ જીતી છે. ભાજપના કાર્યકરોએ ઉજવણી કરી હતી.
અમદાવાદ મનપાની 192 બેઠક પર ખરાખરીનો જંગ ખેલાઇ રહ્યો છે. અમદાવાદમાં 1 બેઠક બિનહરીફ થતાં ભાજપના ફાળે છે. અમદાવાદ મનપામાં 42.41% મતદાન નોંધાયુ છે.