કોંગ્રેસમાં કકળાટ ચરમસીમાએ છે. રાજ્ય લેવલે જ નહીં પરંતુ મહાનગરપાલિકા ક્ષેત્રે પણ વિપક્ષના નેતાની હોડ જામી છે.
AMCમાં વિપક્ષના નેતાને લઈને કોંગ્રેસમાં અસમંજસ
SC કેટગરીના મેયર સામે SC કેટેગરીનો વિપક્ષનો નેતા હોય તેવી માંગ
જો કે પ્રદેશ કોંગ્રેસ હજુ પણ વિપક્ષના નેતા મુદ્દે નિષ્ક્રિય
કોંગ્રેસનો સ્થાનિક સ્વરાજ્યની ચૂંટણીમાં રકાસ નીકળી ગયો છે અને તેમનો આંતરિક વિખવાદ પણ ઉડીને આંખે વળગે તે રીતે બહાર આવી ગયો છે ત્યારે આજે ફરીથી અમદાવાદ મનપા વિપક્ષ નેતાને લઈ કોંગ્રેસમાં અસમંજસ જોવા મળી રહી છે. સત્તા પક્ષના પદાધિકારીઓ ચાર્જ સંભાળી ચુક્યા છે. ભાજપ હોદ્દેદારોની નિમણૂંક છતા કોંગ્રેસે હજુ સુધી વિપક્ષ નેતા નિમ્યા નથી. ત્યારે જાત ભાતના તર્કવિતર્ક થઈ રહ્યા છે.
રાજનૈતિક વર્તુળો દ્વારા એવી વાત વહેતી થઈ છે કે, SC મેયર સામે SC વિપક્ષ નેતાની માંગ ઉઠી છે. કોંગ્રેસની નિષ્ક્રિયતાથી ડ્રાફ્ટ બજેટમાં હવે વિપક્ષ સુધારો નહીં કરી શકે.
કોંગ્રેસમાં કકળાટ
કોંગ્રેસમાં ટિકિટના કકળાટ બાદ વિપક્ષ નેતા માટે પણ કકળાટ થઈ રહ્યો હોવાનું જાણવા મળ્યું છે. મનપા વિપક્ષ નેતામાં ધારાસભ્યોનું પોતાના માણસો માટે લોબિંગ કરી રહ્યા છે. વિપક્ષ નેતા માટે ધારાસભ્યો લોબિંગ કરી રહ્યાં છે. MLA શૈલેષ પરમાર, હિંમતસિંહ પટેલ લોબિંગ કરી રહ્યાં હોવાનું સૂત્રોનું માનવું છે. એટલું જ નહીં પરંતુ MLA ખેડાવાલા અને ગ્યાસુદ્દીન શેખ પણ આ માટે લોબિંગ કરી રહ્યા હોવાનો ગણગણાટ છે.
કોણ કોણ છે વિપક્ષ નેતાની રેસમાં?
વિપક્ષ નેતા માટે નીરવ બક્ષી, શેહજાદ ખાન, કમળાબેન ચાવડા રેસમાં છે. કેટલાક કોર્પોરેટરોએ વિપક્ષ નેતા માટે પ્રેશર ટેક્નિક અપનાવી રહ્યા હોવાનો ગણગણાટ છે તો કેટલાક કોર્પોરેટરોએ રાજીનામાની ચિમકી પણ ઉચ્ચારી હોવાનું સૂત્રોનું કહેવું છે.