આગામી સમયમાં અમદવાદમાં મનપાની ચુંટણી આવી રહી છે. જ્યારે હવે કોર્પોરેટર માટે નવા સમાચાર સામે આવ્યા છે હવે તેમની ગ્રાન્ટમાં વધારો થઈ શકે છે. હવે પ્રતિ દીઠ કોર્પોરેટરને 30 લાખની ગ્રાન્ટ મળી શકે છે.
અમદાવાદના ૧૯ર કોર્પોરેટર માટે આનંદના સમાચાર છે
રિવાઇઝ બજેટમાં ફરી કોર્પોરેટરની ગ્રાન્ટમાં વધારો થવાની પૂરી શક્યતા
રૂ.૩૦ લાખની ગ્રાન્ટ મળે તેવી શક્યતા છે
આગામી ઓકટોબર-નવેમ્બરમાં મ્યુનિ. કોર્પોરેશનની ચૂંટણી છે. મ્યુનિ. કોર્પો.ની ચૂંટણી આડે હવે ગણતરીના મહિના બાકી હોય શાસક ભાજપ પક્ષ ફરી સત્તાસ્થાને આવવા થનગની રહ્યો છે. આવા સમયે ચૂંટણી હોવાથી શહેરના તમામ ૧૯ર કોર્પોરેટર માટે આનંદના સમાચાર છે. શાસક પક્ષ દ્વારા ટૂંક સમયમાં રજૂ થનાર રિવાઇઝ બજેટમાં કોર્પોરેટર દીઠ પ્રતિ વર્ષ રૂ.૩૦ લાખની ગ્રાન્ટ મળે તેવી શક્યતા છે.
સ્ટેન્ડિંગ કમિટીના ચેરમેન અમૂલ ભટ્ટ દ્વારા આગામી વર્ષ ર૦ર૦-ર૧ માટે ચૂંટણી લક્ષી બજેટ તૈયાર કરવાની દિશામાં કવાયત આરંભાઇ છે. ભાજપના કોર્પોરેટરો પાસે પોતાના વિસ્તાર માટેનાં વિવિધ કામનાં સૂચન મેળવાયાં છે. હવે મોવડીમંડળનાં માર્ગદર્શન હેઠળ બજેટને આખરી ઓપ અપાઇ રહ્યો છે. જોકે અમૂલ ભટ્ટ ચાલુ વર્ષના બજેટની જેમ જૂનાં વચનોનું પુનરાવર્તન નવા બજેટમાં કરે તેવી શક્યતા છે. કેમ કે મોટા ભાગના વિકાસના પ્રોજેકટ કમિશનરના ડ્રાફટ બજેટમાં આવરી લેવાયા છે.
જોકે એક મહિના પહેલા શાસકોએ ચૂંટણી પહેલા વિકાસનાં કામો માટે અગાઉ મળતી પ્રતિ વર્ષ રૂ. રપ લાખની ગ્રાંટમાં રૂ.ર.પ લાખનો વધારો કર્યો હતો. આમ હવે કોર્પોરેટર પ્રતિ વર્ષ રૂ.ર૭.પ૦ લાખની ગ્રાન્ટ પોતાના વોર્ડ સહિતના વિસ્તારમાં વિકાસના કામ માટે વાપરી શકે છે.
જાણકાર સૂત્રો કહે છે ચેરમેન ભટ્ટના રિવાઇઝ બજેટમાં ફરી કોર્પોરેટરની ગ્રાન્ટમાં વધારો થવાની પૂરી શક્યતા છે. એટલે કે શાસકો ગ્રાન્ટની રકમમાં ઓછામાં ઓછો ૧૦ ટકાનો વધારો કરી તેને રૂ.૩૦ લાખ કરે તેવી શક્યતા છે. અત્રે ઉલ્લેખનીય છે કે વિપક્ષ કોંગ્રેસ દ્વારા કોર્પોરેટર ગ્રાન્ટની રકમ વધારીને રૂ.૪૦ લાખ કરવાની માગણી થઇ ચૂકી છે.