અહો આશ્ચર્ય / ધીમું ઝેર: AMTSના ખાનગીકરણનો તખ્તો ઘડતી AMC, વધ્યા ઘટયા 30 કંડક્ટરોને સોંપી સ્મશાનમાં જવાબદારી

• ATMS બસના કંડક્ટરોની બદલી સ્મશાનમાં
• AMC ના નિર્ણયથી અનેક સવાલો ઉભા થયા
• AMTSમાં ખાનગી બસો વધતા લીધો નિર્ણય?

AMTSના કંડક્ટરો હવે સ્મશાનમાં ફરજ બજાવશે. અમદાવાદ મ્યુનિસિપલ કોર્પોરેશન દ્વારા આ  નિર્ણય કરવામાં આવ્યો છે. એએમટીએસ ના 30 કંડક્ટરોની નિમણુંક સ્મશાનમાં કરવામાં આવી છે જેઓ હવે સ્મશાનની અંદર કામ કરશે.મહત્વનું છે કે કર્મચારીઓનો  પગાર મનપા દ્વારા જ  ચૂકવામાં આવશે. અગાઉ અનેક કર્મચારીઓને મનપાના અલગ અલગ વિભાગમા  બદલી કરવામાં આવી છે. ત્યારે અહીં સવાલ એ ઉભો થાય છે કે ખાનગી બસો વધારી દેવામાં આવી છે એ માટે થઈને AMTSનું ખાનગીકરણ કરી દેવામાં આવશે?

AMCના સત્તાધીશોનું શું કહેવું છે
હિતેશ બારોટ , ચેરમેન , સ્ટેન્ડિંગ કમિટીના કહેવાય અનુસાર અમદાવાદ AMTSમાં ખૂબ મોટા પ્રમાણમાં 1200થી વધુ લોકો અલગ અલગ ખાતામાં શિફ્ટ કરેલા જ છે. હાલ કોર્પોરેશનની હયાત બસો કુલ 50 આસપાસ જ હોય અન્ય ખાનગી છે જેથી ભણેલા ગણેલા અને ગ્રેજ્યુએટ થયેલાને કોર્પોરેશને પગાર ચાલુ રાખી અન્ય જવાબદારીમાં મોકલ્યા છે. 

કોન્ટ્રાક્ટ પણ લગતા વળગતાને આપ્યા હોવાનો આરોપ
અમદાવાદ મ્યુનિસિપલ ટ્રાન્સપોર્ટ સર્વિસ AMTSનું ખાનગીકરણ થયું રહ્યું છે. જેના કારણે આજે પરિસ્થિતિ એ છે કે 700માંથી તંત્ર પોતાની માત્ર 40 બસ જ દોડાવે છે, બાકી 660 બસ કોન્ટ્રાક્ટરની હોય છે. એએમટીએસના બજેટમાં 400 મિડી અને 50 ઇલેક્ટ્રિક બસ ખરીદવાની જોગવાઈ કરવામાં આવી છે. આ બસો પણ કોન્ટ્રાક્ટ પદ્ધતિથી ચલાવવામાં આવશે. આ કોન્ટ્રાક્ટ પણ લગતા વળગતાને આપ્યા હોવાનો આરોપ પહેલાથી થઇ ચૂક્યો છે.

જાન્યુઆરીમાં જાહેર થયું છે AMTSનું વર્ષ 2022-23નું ડ્રાફ્ટ બજેટ 
AMTSનું વર્ષ 2022-23નું ડ્રાફ્ટ બજેટ રજૂ કરવામાં આવ્યું.વર્ષ 2022-23નું 529.14 કરોડનું ડ્રાફ્ટ બજેટ રજૂ કરવામાં આવ્યું છે.AMTSના ડ્રાફ્ટ બજેટ અંગે ટ્રાન્સપોર્ટ મેનેજર આર્જવ શાહએ કહ્યું કે, 2022-23માં 400 CNG નવી બસો આવશે.કોરોનાને કારણે ગત વર્ષમાં આવક ઘટી છે...જ્યારે 2022-23માં 130 કરોડની આવકનો અંદાજ છે.390 કરોડની લોન લેવી પડશે.દેવું ઘટાડવા 850 કર્મચારીઓને AMCમાં ટ્રાન્સફર કર્યા છે.2100 કર્મીઓમાંથી 850 કર્મીઓને ટ્રાન્સફર કર્યા છે.કર્મચારીઓને ટ્રાન્સફર કરવાથી 40 કરોડનું ભારણ ઘટશે.સ્ક્રેપ પોલિસીનો અમલ કર્યો એટલે AMTS પાસે 40 બસ જ છે.AMTS ઉપર 3 હજાર કરોડનું દેવું છે.