અમદાવાદ / હજુ બિનસચિવાલય પરીક્ષા કૌભાંડના ડાઘ ભૂંસાયા નથી ત્યાં જ AMC પરીક્ષામાં ગેરરીતિ?

• બિન સચિવાલય બાદ AMCમાં પણ ભરતી કૌભાંડ 
• જુનિયર ક્લાર્કની ભરતીમાં કૌભાંડ થયાની આશંકા 
• પરિણામમાં એક જ પરિવારના અનેક લોકોના નામ 

અમદાવાદ મ્યુનિસિપલ કોર્પોરેશનમાં જુનિયર કલાર્કની ભરતીમાં કૌભાંડ થયાની આશંકા છે. જેનું મુખ્ય કારણ સોશિયલ મીડિયામાં ક્લાર્કની પરીક્ષાનું પરિણામ વાયરલ થઈ રહ્યુ તેને ગણવામાં આવી રહ્યું છે. જેમાં એક જ પરિવારના અનેક લોકોના નામ દેખાઈ રહ્યા છે.

એક જ પરિવારના અનેક લોકોના નામ સામે આવતા સોશિયલ મીડિયાામં અનેક સવાલ ઉભા થયા છે. AMC દ્વારા જૂનિયર ક્લાર્કના 434 પદ માટે પરીક્ષા લેવામાં આવી હતી.
 
મ્યુનિસિપલ કોર્પોરેશનની પરીક્ષામાં દોઢ લાખ જેટલા ઉમેદવારોએ જૂનિયર ક્લાર્કની પરીક્ષા આપી હતી. જોકે હજુ સુધી અમદાવાદ મ્યુનિસિપલ કોર્પોરેશનની  વેબસાઈટ પર પરિણામ જાહેર કરવામાં આવ્યુ નથી. આ અગાઉ પરીક્ષાના સમયે અમરાઈવાડીની સ્કૂલમાં ઉમેદવારોએ હોબાળો પણ કર્યો હતો.