નિર્દેશોની અમલવારી / રખડતાં ઢોર મામલે અમદાવાદ મનપા એક્શનમાં, પશુમાલિકોને નોટિસ ફટકારી, સૂચનાઓનું પાલન કર્યું ફરજિયાત

• રાજ્યમાં રખડતા પશુનો આતંક યથાવત
• એક જ દિવસમાં 4 જગ્યાએ રખડતા પશુનો આતંક
• અમદાવાદ મનપાએ પશુમાલિકોને નોટિસ ફટકારી

રાજ્યમાં રખડતા પશુઓનો આતંક યથાવત છે. આજે એક જ દિવસમાં 4 જગ્યાએથી રખડતા પશુનો આતંક સામે આવ્યો છે જ્યારે અમદાવાદ મનપાએ પશુમાલિકોને નોટિસ ફટકારી છે કે, પશુમાલિકોએ પોતાના પશુને પોતાની જગ્યાએ બાંધીને રાખવા અને જનતાને નુકસાન ન પહોંચાડે માટે પશુઓને ખુલ્લા મુકવા નહીં તેમજ વાહનચાલકો પણ અકસ્માતનો ભોગ ન બને, રસ્તા પર ટ્રાફિકમાં અવરોધ ન આવે તેની કાળજી રાખવી. 

અમદાવાદ મનપાએ પશુમાલિકોને નોટિસ ફટકારી
અમદાવાદ મનપાએ પશુમાલિકોને નોટિસ ફટકારી છે કે,પશુને કારણે જાહેર રસ્તા કે સ્થળો પર ગંદકી કે ટ્રાફિક ન થાય તે જોવું અને પશુઓને RFID ટેગ લગાવવા ફરજિયાત છે. મનાપે નોટિસ પાઠવી છે કે, RFID ટેગ વગરના પશુ પકડાશે તો તેને છોડવામાં આવશે નહીં. પશુ રાખવાના સ્થળને સ્વચ્છતા રાખવી જરૂરી તેમજ પશુઓને કારણે આસપાસમાં ગંદકી ન ફેલાય તેનું ધ્યાન રાખવું અતિ આવશ્યક છે તેવું પણ મનપાએ પશુમાલિકોને નોટિસમાં જણાવ્યું છે. અકસ્માત ન થાય તે માટે જાહેર સ્થળો પર પશુઓને ઘાસચારો નાખવો નહી, લોકોએ જાહેર રસ્તા કે સ્થળો પર પશુઓને ઘાસચારો કે અન્ય ખાદ્યખોરાક ન આપવો જોઈએ, જાહેર રસ્તા પર પશુ રાખી ઘાસચારો વેચવાની પ્રવૃતિ ન કરવી જોઈએ. ગુજરાત હાઇકોર્ટના નિર્દેશોની અમલવારી માટે પશુમાલિકોને સૂચના અપાઇ છે

રખડતા પશુઓનો આતંક
રાજ્યમાં રખડતા પશુઓનો આતંક યથાવત છે. આજે એક જ દિવસમાં 4 જગ્યાએથી રખડતા પશુનો આતંક સામે આવ્યો છે. ભરૂચના જંબુસરમાં 6 વર્ષની બાળકી ઘરે જઈ રહી હતી ત્યારે પશુએ બાળકીને અડફેટે લીધી હતી. બાળકીને સામાન્ય ઈજાઓ પહોંચી હતી, તો ભાવનગરમાં રખડતા પશુને કારણે એક યુવકે જીવ ગુમાવ્યો છે. યુવક નોકરી પર જઈ રહ્યો હતો તે સમયે પશુની અડફેટે આવતા યુવકની મૃત્યુ થયું છે ત્યારે રાજકોટમાં રખડતા પશુએ 2 મહિલા પોલીસકર્મીને  ટક્કર મારી હતી. જેમાં બન્ને મહિલાઓને ઈજાઓ પહોંચી હતી. સાબરકાંઠાના ઈડરમાં પણ મુખ્ય માર્ગો પર રખડતા પશુઓને કારણે અકસ્માતનો ભય છે. સાથે જ સ્થાનિકોએ તંત્ર સામે સવાલો ઉઠાવ્યા છે.

ભાવનગરમાં એક યુવકનું મૃત્યુ
ભાવનગરમાં રખડતા પશુનો આતંક યથાવત્ છે. ભાવનગરમાં રખડતા પશુએ વધુ એક વ્યક્તિનો ભોગ લીધો છે. લીલાસર્કલ નજીક રખડતા પશુએ મહેસાણાના યુવકને અડફેટે લીધો છે. રખડતા પશુએ ટક્કર મારતા રવિ પટેલ નામના યુવકનું મૃત્યુ થયો છે.

રાજકોટમાં બે મહિલા પોલીસકર્મીને ઇજા
રાજકોટમાં રોડ પર રખડતી મોતની રજાળ છે અહીં પણ રખડતા પશુનો આતંક સામે આવ્યો છે. રખડતા પશુએ 2 મહિલા પોલીસકર્મીને ટક્કર  મારી છે. પૂજા સદાદિયા અને ગાયત્રી દેવમુરારી નામના પોલીસકર્મીને રખડતા પશુએ ટક્કર મારી છે. પશુના હુમલામાં બન્ને મહિલા પોલીસકર્મી ઈજાગ્રસ્ત થઈ છે. મવડી હેડ ક્વાર્ટરમાં પરેડ પૂર્ણ કરીને ઘરે પરત ફરવા સમયે ઘટના બની હતી. રાજકોટ સિવિલમાં બન્ને પોલીસકર્મીની ચાલી રહી છે સારવાર

ઈડરમાં રખડતા પશુનો આતંક
સાબરકાંઠાના ઈડરમાં રખડતા પશુનો આતંક સામે આવ્યો છે, ઈડરની બજારમાં 2 આખલાએ આતંક મચાવ્યો છે. આખલાના આતંકનો વીડિયો પણ સામે આવ્યો છે.  2 આખલાઓ બજારમાં આતંક મચાવતા જોવા મળ્યા છે. જેને લઈ સ્થાનિકોમાં ડર પણ વ્યાપ્યો હતો. આખલાના આતંકને લઇ સ્થાનિકોમાં રોષ પણ જોવા મળી રહ્યો છે.