અમદાવાદ શહેર મહાનગર પાલિકા પાસે પાર્કિંગ પોલિસીને લઇ કોઇ નક્કર આયોજન જોવા નથી મળી રહ્યું છે.
મનપા પાસે નથી કોઇ નક્કર પાર્કિંગ પોલિસી
રહેણાંક વિસ્તારોમાં પણ પાર્કિંગ સમસ્યા
કોમર્શિયલ ઇમારતો સામે પણ નથી ભરાતાં પગલાં
અમદાવાદમાં વિકટ બની પાર્કિંગ સમસ્યા
સ્માર્ટ સિટી તરીકે વિકાસ પામી રહેલા અમદાવાદની વરવી વાસ્તવિકતા સામે આવી રહી છે. સ્માર્ટ સિટીમાં સૌથી મોટી સમસ્યા હાલ કોઇ હોય તો તે પાર્કિંગની સમસ્યા છે. સ્માર્ટ સિટીમાં પાર્કિંગની સમસ્યાને લઇ VTV દ્વારા રિયાલિટી ચેક કરવામાં આવ્યું હતું. જેમાં વાહનચાલકો આડેધડ પાર્કિંગ કરી રહ્યા હોવાની વિગતો સામે આવી છે.અમદાવાદ શહેર મહાનગર પાલિકા પાસે પાર્કિંગ પોલિસીને લઇ કોઇ નક્કર આયોજન જોવા નથી મળી રહ્યું છે.
પાર્કિંગના અભાવને કારણે આડેધડ થઇ રહ્યા છે પાર્કિંગ
હાલ મનપા દ્વારા પાર્કિંગ મુદ્દે એક નવી પોલિસી બનાવવાની જરૂરિયાત દેખાઇ રહી છે. મનપામાં પાર્કિંગ પોલિસીને અભાવે લોકો આડેધડ પાર્કિંગ કરી રહ્યા છે. કોમર્શિયલ ઇમારતો પાસે પાર્કિંગની સુવિધા ન હોવા છતાં પણ કોમર્શિયલ ઇમારતો ધમધમી રહી છે. વાહનો આડેધડ પાર્કિંગ થવાને કારણે અનેક સમસ્યાઓ સર્જાઇ રહી છે. બીજી તરફ તંત્ર દ્વારા પાર્કિંગ અંગેની કાર્યવાહીના દાવા કરવામાં આવે છે. પરંતુ કાર્યવાહીના તમામ દાવા પાર્કિંગ જોતા પોકળ સાબિત થાય છે. આ બાજુ પાર્કિંગની પોલિસી ન હોવાથી જનતામાં પણ રોષ જોવા મળી રહ્યો છે .
પાર્કિંગ મુદ્દે લોકોના મનમાં ઉઠતાં સવાલો
01. કેમ મનપા પાસે નથી પાર્કિંગ પોલિસી?
02. આટલા મોટા શહેરમાં પાર્કિંગ માટે નથી નક્કર આયોજન?
03. મનપાના પાર્કિંગ અંગે દાવાઓમાં કેટલી વાસ્તવિકતા?
04. કાર્યવાહી કરવા છતાં કેમ થાય છે આડેધડ પાર્કિંગ?
05. તંત્ર કેમ પાર્કિંગ માટે નથી બનાવતી યોજના?
06. કેમ તમામ વિસ્તારોમાં નથી કરાતી પાર્કિંગની વ્યવસ્થા?
07. શું આ સમસ્યા માત્ર અમદાવાદ શહેરની છે?
08. પાર્કિંગ માટે કેમ મનપાના શાસકો કુંભકર્ણની નિંદ્રામાં છે?