નિર્ણય / અમદાવાદીઓ માટે સૌથી મોટા સમાચાર, જૂના મકાનોના રિ-ડેવલપમેન્ટમાં નડતી સૌથી મોટી સમસ્યા દૂર

• જૂના મકાનો થઈ શકશે રિ-ડેવલપમેન્ટ
• 75% સભ્યોની મંજૂરી બાદ થશે રિ-ડેવલપમેન્ટ
• 100 %થી હટાવીને 75 % કરવામાં આવ્યું

અમદાવાદ મ્યુનિસિપલ કોર્પોરેશન દ્વારા જૂની સોસાયટીને લઇને એક નિર્ણય લેવામાં આવ્યો છે. જૂની સોસાયટી જર્જરિત થઇ ગઇ હોય છે. જેથી આવી જૂની સોસાયટી રિ-ડેવલપમેન્ટમાં આવે છે. સાથે દુર્ઘટનાની પણ સંભાવના રહે છે. ત્યારે આવી જૂની ક્ષતિગ્રસ્ત સોસાયટીના રિ-ડેવલપમેન્ટના બાંધકામને મંજૂરી માટે સોસાયટીના તમામ સભ્યો (100 ટકા)ની સંમતિ જરૂરી હતી. જેમાં કેટલાક કિસ્સામાં સોસાયટીના કેટલાક સભ્યો અંગત કારણોસર/લાભ માટે રિ-ડેવલપમેન્ટ માટે અસંમત હોય છે. જેને લઇને બાંધકામના પ્લાનને મંજૂરી પ્રક્રિયામાં મુશ્કેલી ઉભી થતી હતી.

ત્યારે હવે રિ-ડેવલપમેન્ટમાં આવતી સોસાયટીના 75 ટકા કે તેથી વધુ સભ્યોએ રિ-ડેવલપમેન્ટની સંમતિ આપેલી હશે તો રિ-ડેવલપમેન્ટ થશે. સાથે સોસાયટી 25 વર્ષથી વધુ જૂની હોવી જરૂરી છે.