રાજનીતિ / સ્થાનિક સ્વરાજ્યની ચૂંટણી માટે કોંગ્રેસે અમદાવાદના મહારથીઓની યાદી જાહેર કરી, જાણો 10 વોર્ડના ઉમેદવારોના નામ

• કોંગ્રેસે અમદાવાદ મનપા માટેના ઉમેદવારોની યાદી જાહેર કરી
• અમદાવાદ શહેરના 10 વોર્ડના ઉમેદવારોની યાદી કરી જાહેર 
• કોંગ્રેસે અમદાવાદ મનપાના ઉમેદવારોની પ્રથમ યાદી જાહેર કરી

સ્થાનિક સ્વરાજની ચૂંટણી માટે કોંગ્રેસે અમદાવાદ શહેરના પોતાના ઉમેદવારોની યાદી જાહેર કરી દીધી છે. કોંગ્રેસે અમદાવાદ શહેરના ગોતા, ચાંદલોડિયા, રાણીપ, નવા વાડજ, ઘાટલોડિયા, થલતેજ, નારણપુરા, નરોડા, નવરંગપુરા અને વાસણા વોર્ડના ઉમેદવારોના નામ જાહેર કરી દીધા છે. આ કોંગ્રેસે અત્યાર કુલ 6 મહાનગરપાલિકાના ઉમેદવારોના નામ જાહેર કર્યા છે.

મહત્વનું છે કે, કોંગ્રેસે આ અગાઉ સુરત, વડોદરા, ભાવનગર, રાજકોટ અને જામનગરના ઉમેદવારોના નામ કર્યા હતા. જેમાં સુરતના 19 વોર્ડના 52 ઉમેદવાર, રાજકોટના 14 વોર્ડના 22 ઉમેદવાર, વડોદરાના 11 વોર્ડના 20 ઉમેદવાર, ભાવનગરમાં 10 વોર્ડના 21 ઉમેદવાર અને જામનગરના 7 વોર્ડના 27 ઉમેદવાર જાહેર કર્યા હતા. તો જામનગરમાં વોર્ડ નં 6માં એક ઉમેદવાર જાહેર કરવાના બાકી છે.