કેવી રીતે કરોડોની કમાણી કરતી AMTS ભ્રષ્ટાચારનું ઘર બની ગઈ? બે વર્ષમાં 238 કરોડની AMCએ AMTSમાં ખોટ કરી
ખોટ ખાતી AMTS
સેવાના નામે કોન્ટ્રાક્ટરોને મેવા
બે વર્ષમાં 238 કરોડની AMCએ AMTSમાં ખોટ કરી
અમદાવાદીઓની સવારી એટલે કે, AMTS.રોજ હજારો બસો શહેરમાં દોડે છે.અને લાખો લોકો તેમાં સવાલી કરે છે.પરંતુ આ અમદાવાદીઓની સવારીને છેલ્લા 9 મહિનામાં 238 કરોડની ખોટ ગઈ છે.જે AMTS કરોડો રૂપિયાની રોજ કમાણી કરે છે.તેને ખોટ જાય એટલે કે, ભ્રષ્ટાચાર આસમાને હોવાનું સ્પષ્ટ થાય છે.
કેમ AMC ખુદ નથી ચલાવતું AMTS?
આ એક જ લાઈન કહી રહી છે કે, અમદાવાદમાં ભ્રષ્ટાચારીઓની દુકાનો કરોડોમાં ચાલી રહી છે.કારણ કે, અમદાવાદની લાઈફ લાઈન ગણાતી AMTS વર્ષે કરોડો રૂપિયાની ખોટ ખાય અને AMCના પેટનું પાણી પણ ન હલે તે ખુબ મોટી વાત છે.જોકે અહીં ચોખ્ખી રીતે કોન્ટ્રાક્ટરોને કોરોડો રૂપિયાનો ફાયદો કરાવવા માટે અધિકારીઓ અને સત્તાધિશો બેઠા છે.અને ભ્રષ્ટાચારના કરોડો રૂપિયા તેઓના ખિસ્સામાં જાય છે.આવું અમે નહીં વિપક્ષો આક્ષેપ કહી રહ્યા છે.
કોન્ટ્રાક્ટરોને કેમ 1 કિમી.ના 45 રૂપિયા ચૂકવાય છે
અહીં ભ્રષ્ટાચારની ગંધ એટલા માટે આવે છે.કારણ કે, AMTSમાં રોજ લાખો અમદાવાદીઓ મુસાફરી કરે છે. અને તેમની પાસેથી કરોડો રૂપિયાનું ભાડું ટિકિટ સ્વરૂપે ઉઘરાવાય છે.આ સિવાય પણ AMC પ્રતિ કિલોમીટર 45 રૂપિયાથી વધુ કોન્ટ્રાક્ટરોને ભાડું ચૂકવે છે.જ્યારે ટિકિટના પૈસા પણ કોન્ટ્રાક્ટરોના ખિસ્સામાં જ જાય છે.આમ વિચાર કરી જુઓ કે, જે AMTSમાં કરોડો રૂપિયા ટિકિટના આવતા હોય..અને આ સિવાય પણ કોર્પોરેશન કોન્ટ્રાક્ટરને પૈસા ચૂકવતું હોય તો નુકસાની ક્યાં જાય છે.જોકે અમે જ્યારે સત્તાધિસો સાથે વાત કરવાનો પ્રયાસ કર્યો તો એવું જાણવા મળ્યું કે, જાહેર ટ્રાન્સપોર્ટ સેવા મોટા ભાગે ખોટમાં જ ચાલતી હોય છે.
શું ખર્ચા જેટલું પણ નથી કમાઈ શકતી AMTS?
સ્ટેન્ડિંગ કમિટીના ચેરમેનના નિવેદન પરથી તો એવી આશંકા જાય છે કે, ખોટના ધંધામાં તેઓ પણ ભાગીદાર લાગે.નવાઈની વાત એ છે કે, 600થી વધુ બસો અમદાવાદમાં દોડતી હોવા છતાં AMCને ખોટ થઈ રહી છે.ત્યાં હવે વધુ 118 નવી બસ AMC ખરીદવા જઈ રહી છે.ત્યારે સવાલ એ થાય છે કે, કરોડો રૂપિયા કોન્ટ્રાક્ટરોને આપવા કરતા AMC ખુદ કેમ નથી ચલાવતું AMTS? AMTSને કોન્ટ્રાક્ટ પર કેમ આપવામાં આવે છે? 238 કરોડની ખોટ પર AMC ચૂપ કેમ છે? AMTS સેવા માટે છે કે ખોટ કરવા માટે? AMTS પાછળ થતા ખર્ચા જેટલો પણ નફો કેમ નથી રળી શક્તી AMC? 1 કિલોમીટરના 45 રૂપિયા શા માટે ચૂકવાય છે? શું 1 કિલોમીટર AMTS ચાલવા પર 45 રૂપિયાનો ખર્ચ થઈ જાય છે? સવાલો તો અનેક છે.ત્યારે જોવાનું એ રહેશે કે, ખોટમાં ચાલતી AMTSને ક્યાં સુધી કોન્ટ્રાક્ટરોની કમાણી માટે ખોટમાં ચાલવા દેવાય છે.