અમદાવાદમાં એકજ દિવસમાં 50 કેસ સામે આવતા તંત્ર સહિતના તમામ લોકો દોડતા થઈ ગયા છે ત્યારે અમદાવાદ મ્યુ. કોર્પોરેશને પહેલેથી જ આવનાર સંકટ માટે એક્સન પ્લાન તૈયાર કરી રાખ્યો છે. અમદાવાદ મ્યુ. કોર્પોરેશનોનો કોરોના સામે એકશન પ્લાન તૈયાર છે. દુનિયામાં ક્યાં નથી તેવો પ્લાન અમદાવાદ કોર્પો. બનાવ્યો છે. કોર્પોરેશનની ટીમ તમારે ઘરે આવીને કોરોના ટેસ્ટ કરશે.
અમદાવાદની 14 લાખની વસ્તી હાલમાં બફર ઝોનમાં
શું છે એક્શન પ્લાન?
chasing a virus
કોરોના માટે કોર્પોરેશને આરોગ્યની 982 ટીમ બનાવી છે. 1900 હેલ્થ વર્કરની 982 ટીમમાં કોરોનાનો ટેસ્ટ કરી રહી છે. અમદાવાદના કોટ વિસ્તારને પહેલા પ્રાયોરિટિ આપવામાં આવી રહી છે. અમદાવાદનો કોટ વિસ્તાર હાલ બફર ઝોનમાં છે. અમદાવાદની 14 લાખની વસ્તી હાલમાં બફર ઝોનમાં મૂકવામાં આવી છે.
અન્ય જિલ્લાની હેલ્થ ટીમને લગાવાઈ કામે
અમદાવાદની કોરોના સામેની લડતમાં અન્ય જિલ્લાની ટીમો પણ જોડાઇ છે. અમદાવાદ હોટસ્પોટ બનતા અન્ય જિલ્લાની ટીમો બોલાવાઇ છે. સુરેન્દ્રનગર, ખેડા, મહેસાણા, સાબરકાંઠાની મેડિકલ ટીમ જોડાઇ છે. અન્ય જિલ્લાની મેડિકલ ટીમોને અમદાવાદમાં ડ્યૂટી અપાઇ છે.
મેડિકલ ટીમોને અમદાવાદમાં 10 દિવસની ડ્યૂટી અપાઇ
આજથી 200 સભ્યોની મેડિકલ ટીમો અમદાવાદમાં ફરજ પર હાજર થઈ છે. લોકડાઉન 14 એપ્રિલે પૂર્ણ થતું હોવા છતા 18 એપ્રિલ સુધીના ઓર્ડર આપવામાં આવ્યા છે. અમદાવાદમાં મેડિકલ ટીમને 10 દિવસની ડ્યુટી આપવામાં આવી છે.
શું છે એક્શન પ્લાન?
અમદાવાદમાં વધતા કેસ ચિંતાજનક બાબત છે. સમગ્ર કોટ વિસ્તારને બફર ઝોન જાહેર કરાયો છે. તમામ દરવાજાઓ પર કોરોના ચેકપોસ્ટ બનાવીને અંદર બહાર જતા તમામ લોકોનુ સ્ક્રિનિગ થઈ રહ્યુ છીએ. વધુમાં વધુ સેમ્પલ લેવાઈ રહ્યા છે. મેગા સર્વેલન્સ દ્વારા 1000 લોકોના ટેસ્ટ કરવાની કવાયત હાથ ધરવામાં આવી છે. હોમ ક્વોરન્ટાઈનનું અસરકારક અમલીકરણ કરવામાં આવી રહ્યુ છે.
જે કેસ પોઝિટિવ આવે છે. તેમની SVPમાં સારવાર માટે લઈ જવામાં આવી રહ્યા છે. વિશ્વની શ્રેષ્ઠ કક્ષાની સમકક્ષ સારવાર આપવામાં આવે છે. સેમ્પલની સંખ્યામાં ખુબ નોંધપાત્ર વધારો કર્યો છે. સ્ટ્રેટજી પ્રમાણે ઘનિષ્ઠ સર્વેલન્સ કરીએ છીએ.
chasing a virus
મ્યુ. કમિશનર વિજય નેહરાએ જણાવ્યું હતુ કે, ચેઝિંગ એ વાયરસ ( chasing a virus )નામની સ્ટ્રેટજી હેઠળ કામ કરી રહ્યાં છીએ. અમે સામે ચાલીને કેસ શોધીએ છીએ. ખાસ ટીમની કામગીરીથી કેસની સંખ્યા સામે આવી છે. મનપાની ટીમોએ 50 જેટલા કેસો શોધી કાઢ્યા છે. 1 પોઝિટિવ વ્યક્તિ 30 દિવસમાં 406 લોકોને સંક્રમિત કરી શકે છે. હજુ 1 હજારથી વધુ સેમ્પલ લઇને મોકલાયા છે.
શું છે લક્ષ્યાંક?
અમદાવાદમાં સંખ્યા વધે તેવી શક્યતા પુરે પુરી છે. અનડિટેક્ટ કેસ ન રહે તે લક્ષ્યાંક થી મનપની ટીમ કામે લાગી છે. 982 આરોગ્ય ટીમ કાર્યરત છે. 1900થી વધુ હેલ્થ વર્કરો કામે લાગ્યા છે. આરોગ્યની ટીમ જીવના જોખમે તમારા ઘરે આવે છે. દુનિયામાં પહેલી વખત આ રીતે કામગીરી થઇ રહી છે. કેસ સામેથી શોધવાની કામગીરીનો અભિગમ અમદાવાદમાં પ્રથમ છે.