અમદાવાદની સાબરમતી જેલમાંથી વધુ એક વખત મોબાઈલ ફોન મળી આવ્યો છે. બેરેક નંબર-1માંથી મોબાઈલ અને સીમકાર્ડ મળી આવ્યું છે. પ્લેન હાઈજેકિંગ કેસના આરોપી બિરજુ સલ્લા પાસેથી મોબાઈલ મળી આવ્યો છે.
ઉલ્લેખનીય છે કે, જેલમાંથી મોબાઈલ મળી આવતા અનેક સવાલ ઉઠી રહ્યા છે. જેલમાં મોબાઈલ અંદર કેવી રીતે પહોંચે છે. શું આ મામલે કોઈ પોલીસકર્મી પણ સંડોવાયેલો છે.. હાલમાં તો પોલીસે મોબાઈલ અને સીમકાર્ડ જપ્ત કરીને કાર્યવાહી હાથધરી છે.
આપને જણાવી દઇએ કે, પહેલા પણ અવાર-નવાર મોબાઇલ અને સીમકાર્ડ મળ્યા હોવાની ઘટનાઓ વારંવાર બની છે ત્યારે આજે વધુ એક વાર મોબાઇલ ફોન અને સીમકાર્ડ મળી આવતા જેલ તંત્ર પર અનેક સવાલ ઊભા થયા છે.
જેલના પ્રતિબંધિત વિસ્તારમાં મોબાઈલ ફોન અને સિમકાર્ડ કોણે ઘુસાડ્યાં? મોબાઈલ ફોનનો અનધિકૃત ઉપયોગ થયો છે કે કેમ? ગુનાઇત પ્રવૃત્તિ કરવામાં આવી છે કે કેમ? વગેરે તપાસ માટે રાણીપ પોલીસ સ્ટેશનમાં ગુનો નોંધાય છે અને વધુ તપાસ હાથ ધરાઇ છે.