સોલામાં માતાજીની વિધિના બહાને ભુવાએ 15 વર્ષની સગીરાને પ્રેમજાળમાં ફસાવીને દુષ્કર્મ આચર્યુંની ઘટના સામે આવી છે. પોલીસે ભુવાની ધરપકડ કરીને કાર્યવાહી શરૂ કરી છે. મહેશ રાવલ નામના આ ભુવાએ 15 વર્ષની સગીરા સાથે દુષ્કર્મ આચર્યું છે.
ધોરણ 9માં અભ્યાસ કરતી 15 વર્ષની સગીરાને બનાવી હવસનો શિકાર
પોલીસ કસ્ટડીમાં જોવા મળતો આ છે ભુવો.મહેશ રાવલ નામના આ ભુવાએ 15 વર્ષની સગીરા સાથે દુષ્કર્મ આચર્યું. અને તેને મૂકીને ફરાર થઈ ગયો.ઘટના કંઈ ક એવી છે કે સોલા વિસ્તારમાં ધોરણ 9માં અભ્યાસ કરતી 15 વર્ષની સગીરા 22 માર્ચના રોજ રાત્રે 11 વાગે ઘરે નહીં મળી આવતા પરિવારે શોધખોળ કરી.ત્યારે બીજા દિવસે સગીરા મહેસાણામાં આવેલા મામા ના ઘર નજીક મળી આવી.સગીરાની પૂછપરછ કરતા ભૂવો મહેશ રાવલ ગાડી માં ફરાવવા લઈ જવાના બહાને લઈ ગયો.અને ત્યાર બાદ હોટલમાં જમવાનું કહીને રૂમ દુષ્કર્મ આચર્યું.આરોપી દુષ્કર્મ બાદ સગીરાને ઘરે મુકવા આવ્યો ત્યારે ભીડ જોઈને મહેસાણા લઈ જઇ ને છોડીને ફરાર થઈ ગયો હતો.આ દુષ્કર્મ કેસમાં પોલીસે આરોપીની ધરપકડ કરી છે.
કેવી રીતે ઢોંગીએ કરતૂતને આપ્યો અંજામ?
મહેશ રાવલ જેવા ઢોંગી ભુવાથી ચેતવાની જરૂર!
વિધિ કરાવવાના બહાને સગીરાના ઘરે મહેશ ભુવો એક મહિના પહેલા આવ્યો હતો
સગીરાને ઢોંગી મહેશ રાવલે પોતાનો નંબર આપ્યો હતો
બીજી વખત ઘરે ગયો ત્યારે સગીરાને મોબાઇલ આપી પ્રેમજાળમાં ફસાવી
22મી માર્ચે સગીરાને ફોન કરી બોલાવી હતી હતી
11 વાગ્યા સુધી સગીરા ઘરે ન આવતા પરિવારે શોધખોળ કરી
બીજા દિવસે સગીરા મામાના ઘર પાસેથી મળી આવી હતી
સગીરાની પૂછપરછ કરતા ઢોંગી મહેશ રાવલની કરતૂતનો પર્દાફાશ થયો
સગીરાને ફરવા અને હોટલમાં જમવાનું કહીને દુષ્કર્મ આચર્યુ
સોલા પોલીસે અપહરણ અને દુષ્કર્મનો ગુનો નોંધી મહેશ રાવલની કરી ધરપકડ
સગીરાના ઘરે માતાજી ની વિધિ કરવા માટે ભુવો મહેશ રાવલ અને ભુવો ખલી એક મહિના પહેલા આવ્યા હતા.આ દરમ્યાન આરોપીને સગીરા પસંદ આવી જતા તેને મોબાઈલ નંબર આપ્યો હતો.અને બીજી વખત ફરી વિધિ કરવાના બહાને આવ્યો અને સગીરાને મોબાઈલ આપીને પ્રેમજાળમાં ફસાવી.22 માર્ચની રાત્રે પણ સગીરાને ફોન કરીને બોલાવી અને ફરવા લઇ જવાના બહાને દુષ્કર્મ આચરીને છોડીને ફરાર થઈ ગયો.સોલા પોલીસે અપહરણ અને દુષ્કર્મ નો ગુનો નોંધી આરોપી મહેશ રાવલની ધરપકડ કરી.
અંધશ્રદ્ધાથી ચેતવાની જરૂર
અંધશ્રદ્ધાના નામે ઢોંગી ભુવાઓ લોકો સાથે ઠગાઈ કરતા હોય છે.પરંતુ આ ભુવાએ તો પ્રેમજાળમાં ફસાવીને સગીરાને ભગાડીને દુષ્કર્મ આચરી છોડી દીધી.આ ગંભીર ઘટનાથી દરેક માતા પિતાએ ચેતવાની જરૂર છે.હાલમાં પોલીસે આરોપીની ધરપકડ કરીને મેડિકલ તપાસ કરાવી વધુ કાર્યવાહી હાથ ધરી છે.