અમદાવાદ શહેરના નારોલ વિસ્તારમાં આવેલા એક કાપડના ગોડાઉનમાં આજે સાંજે ભયાનક આગ ફાટી નીકળી હતી.આગની ઝપેટમાં ગોડાઉનમાં રાખવામાં આવેલો લાખોના કાપડનો જથ્થો આવી ગયો હતો. આગના ધૂમાડા દૂરદૂર સુધી દેખાતા હતા. આગને કાબૂમાં લેવા માટે 20 જેટલા ફાયર ફાઈટરો ઘટનાસ્થળે દોડી ગયા હતા.
ઉલ્લેખનીય છે કે આ આગ વિનસ કાપડના ગોડાઉનમાં લાગી હતી. આગને ઓલવવા 2 ટેન્ડર 20 ટેન્કર તંત્રએ કામે લગાડ્યા હતા. ગોડાઉનમાં રેશમી કપડું અને ઉપર પતરાના સેડના કારણે તથા આજે પવનનું પ્રમાણ વધારે હોવાના કારણે આગ પર કાબુ મેળવવામાં મુશ્કેલી પડી રહી હતી.
આ ઘટનાની જાણ થતાં જ ફાયર વિભાગના ઉચ્ચ અધિકારીઓ ઘટના સ્થળે દોડી આવ્યા હતા. મહત્વની વાત કરીએ તો ચીફ ફાયર ઓફિસર ગાંધીનગરથી આવી રહ્યા હતા ત્યાં દૂરથી જ રસ્તામાં ધુમાડા જોવા મળ્યા હતા.