સનસનાટી / અમદાવાદનો શર્મશાર કિસ્સો : બાપ સમાન આધેડે પુત્રવધુ પર નજર બગાડી આચર્યું દુષ્કર્મ : ચોતરફથી ફિટકાર

•  સસરાએ પુત્રવધૂ સાથે દુષ્કર્મ આચર્યાની ઘટના
• પરિણીતાની એકલતાનો લાભ લઈ સસરાએ આચર્યું કૃત્ય
• ઘટનાની જાણ પતી અને સાસુને કરતા પરિણીતાને આપી ધમકી

અમદાવાદમાં સબંધને શર્મશાર કરતો કિસ્સો સામે આવ્યો છે. જેમાં સસરાએ હેવાનિયતની હદ વટાવી પુત્રવધૂ સાથે દુષ્કર્મ આચર્યું હોવાનું સામે આવતા સનસનાટી મચી ગઈ છે. સમગ્ર મામલે ભોગ બનેલ પરિણીતાએ નારણપુરા પોલીસમાં ફરિયાદ નોંધાવી છે જેંને લઈને પોલીસે આરોપી સસરા સુધી પહોંચવા તપાસ હાથ  ધરી છે.

પીડિતાએ સમગ્ર મામલે નારણપુરા પોલીસમાં કરી ફરિયાદ
અમદાવાદ ચકચાર જગાવતો કિસ્સો સામે આવ્યો છે જેમાં ખુદ બાપ સમાન આધેડે પોતાની જ પુત્રવધુ પર નજર બગાડી અને દુષ્કર્મ ગુજર્યુ હતું. પરિણીતા ઘરે એકલી હતી. આ દરમીયાન એકલતાનો લાભ લઈ સસરાએ પરિણીતાને હવસનો શિકાર બનાવી હતી. ત્યારબાદ આરોપી સસરાએ પરિણીતાને ધમકી આપી હતી. આથી પરિણીતાએ પોતાની આપવીતી તેના પતિ અને સાસુને કરી હતી. જેમાં પણ પરિણીતાને  ધમકી આપી હતી. સાસુ અને પતિએ એક સંપ થઇને પરિણીતાને ઢોર માર માર્યો હતો અને આ વાતની કોઈને પણ જાણ ન કરવા જણાવ્યું હતું.આથી ભોગ બનેલી પીડિતાએ સમગ્ર મામલે નારણપુરા પોલીસ મથકમાં ફરિયાદ કરી હતી. પરિણીતાની ફરિયાદને લઈને પોલીસે આરોપી સામે ગુન્હો નોંધી તપાસનો ધમધમાટ શરૂ કર્યો છે. 
 
યુવતીના નામે ફેક આઇડી બનાવનાર ઝડપાયો
અન્ય એક કિસ્સામાં અમદાવાદમાં પ્રતિષ્ઠિત પરિવારની યુવતીની પ્રતિષ્ઠા ખરડાય તેવી રીતે એક શખ્સે ફેક આઇડી બનાવી બીભત્સ મેસેજ વહેતો કર્યો હતો. આ અંગે યુવતીના પિતાએ પોલીસ ફરિયાદ કરતા પોલીસે કેસની ગંભીરતાને ધ્યાને લઈને તપાસ હાથ ધરી હતી. જેમાં ટેક્નિકલ એનાલિસિસમાં યુવતીના નામનું ફેક આઈડી બનાવનાર યુવકની ઓળખ થતાં પોલીસ ટીમે દીપ વિપુલભાઈ કંસારાને દબોચી લીધો હતો જેમાં આરોપી યુવતી સાથે મિત્રતા કેળવી વાતચીત કરતો હતો. આ દરમિયાન પોતે યુવતીના એકતરફી પ્રેમમાં પાગલ બન્યો હોવાનું યુવતીને ધ્યાને આવતા યુવતીએ તેની સાથેની મિત્રતા બંધ કરી હતી. જેને પગલે ઉશ્કેરાયેલા યુવકે યુવતીના નામે ફેક આઈડી બનાવી હોવાનું સામે આવ્યું હતું.