કોરોના વાયરસ / અમદાવાદ શહેરમાં 30 નવા માઈક્રો કન્ટેઈન્મેન્ટ ઝોન જાહેર, આ 29 વિસ્તારોને મુક્તિ મળી

• શહેરમાં નવા 30 માઈક્રો કન્ટેઇનમેન્ટ વિસ્તારને સમાવાયા
• પશ્ચિમ વિસ્તારમા કેસ વધતા વેજલપુર, બોડકદેવનો સમાવેશ
• થલતેજ, ચંદલોડિયા, સ્ટેડિયમના વિસ્તારોને પણ સમાવાયા

અગાઉ જાહેર કરવામાં આવેલ 35 માઈક્રો કન્ટેઈન્મેન્ટ વિસ્તારોમાંથી 6 જેટલા વિસ્તારોને માઈક્રો કન્ટેઈન્મેન્ટ વિસ્તાર તરીકે યથાવત રાખવામાં આવ્યા છે. અમદાવાદના 29 જેટલા વિસ્તારોને માઈક્રો કન્ટેઈન્મેન્ટ વિસ્તારમાંથી મુક્તિ આપવામાં આવી છે. તેમજ વધુ નવા 30 જેટલા વિસ્તારોને માઈક્રો કન્ટેઈન્મેન્ટ વિસ્તાર તરીકે જાહેર કરવામાં આવ્યા છે.

અધિકારી ડૉ. રાજીવ ગુપ્તા, મ્યુનિસિપલ કમિશનર મુકેશકુમાર અને ઉચ્ચ અધિકારીઓની બેઠકમાં નવા 30 માઈક્રો કન્ટેઇનમેન્ટ ઝોન જાહેર કરવામાં આવ્યા છે. જેમાં એકપણ કન્ટેઇનમેન્ટ ઝોન હવે કોટ વિસ્તારમાં નથી.