VIDEO / અમદાવાદમાં ખુલ્લેઆમ ધમધમી રહ્યા છે દેશી દારૂના અડ્ડા, પોલીસની આંખ ઉઘાડતો મેઘાણીનગરનો વીડિયો વાયરલ

• અમદાવાદમાં ફરી એક વાર દારૂબંધીના ઉડ્યા ધજાગરા 
• અમદાવાદ પોલીસને પડકાર ફેંકતો વીડિયો વાયરલ
• મેઘાણીનગરમાં કૈલાશ સ્કૂલની સામે દેશી દારૂની મહેફિલ

રાજ્યમાં કહેવાતી દારૂબંધી વચ્ચે દારૂની રેલમછેલના ભૂતકાળમાં અનેક વખત વિડીયો સામે આવ્યા છે. ત્યારે આવો જ એક વિડીયો અમદાવાદમાં વહેતો થતાં ફરી એક વખત દારૂબંધીના દાવા પોકળ સાબિત થયા છે. અમદાવાદના મેઘાણીનગરમાં આવેલ કૈલાશ સ્કૂલની સામે દેશી દારૂની મહેફિલ જામી હતી. જે અંગેને કોઇએં વિડીયો બનાવી લીધા બાદ સોશિયલ મીડિયામાં વહેતો કર્યો હતો. વધુમાં હસમુખ લાલની ચાલીમાં ખુલ્લેઆમ દેશી દારૂનો વેપાર ધમધમી રહ્યો છે અને મોટી સંખ્યામાં લોકો દેશી દારૂની પોટલી લેવા આવતા હોવાનું વિડીયોમાં દ્રશ્યમાન થાય છે. બીજી તરફ મંદિર પાસે દારૂ વેચાતો હોવાનો વીડિયો વાયરલ થતાં અનેક સવાલ ઊભા થયા છે. 

વીડિયોમાં દેશી દારૂની પોટલી સાથે દેખાયા બંધાણીઓ
આમ દારૂબંધીના દાવાના ધજાગરા ઉડાવતો એન અમદાવાદ પોલીસને રીતસરનો પડકાર ફેંકતો વીડિયો વાયરલ થયો છે. ત્યારે આગામી સમયમાં પોલીસ વિડીયોના મૂળ સુધી પહોંચી અને જવાબદારો સામે કાર્યવાહી કરશે કે વ્હાણા વિતવાની સાથે વિસરી જશે તે જોવું રહ્યું! ગાંધીના ગુજરાતમાં કડક દારૂબંધી અને તેણે લગતા કાયદાઓ છે. પણ વાસ્તવિક સ્થિતિએ છાસવારે વહેતા થતા દારૂના અડ્ડાઓના  વીડિયો સમગ્ર પોલ ખોલી રહ્યા છે. ત્યારે કહેવાતી દારૂબંધીને કાગળ પર નહીં પણ જમીન પર કડક રીતે અમલ કરવાની જરૂર છે. તેવી લોકોમાંથી માંગ ઉઠી રહી છે.