અમદાવાદ મેડિકલ એસોસિએશન દ્વારા હાઈકોર્ટમાં અરજી કરવામાં આવી છે જેમાં ડોક્ટરોના અને મેડિકલ સ્ટાફના ટેસ્ટ કરવામાં આવે અને તેમના ટેસ્ટ ઝડપથી કરવામાં આવે તેવી માંગ ઉઠી રહી છે. હાલ અમદાવાદમાં SVP, સિવિલ અને LG હોસ્પિટલના 60 જેટલા લોકો કોરોના પોઝિટિવ છે.
AMAની હાઈકોર્ટમાં અરજી
કોવિડ-19ના ટેસ્ટ કરવાની માગ
તબીબોના ઝડપી ટેસ્ટ કરવાની માગ
અમદાવાદ મેડિકલ એસોસિયેશનન દ્વારા HCમાં વધુ એક અરજી કરવામાં આવી છે. કોવિડ ટેસ્ટ તાત્કાલિક થાય તેવી અરજદારની માગ છે. કોવીડના ટેસ્ટ કરવાની પ્રક્રિયાનો સમય ગાળો ટુંકાય તેવી પણ માંગ કરવામાં આવી છે. તબીબોના કોરોના રિપોર્ટ ન કરતા HCમાં અરજી કરાઈ છે. કોરોનાને લઈ તબીબી આલમમાં ડરનો માહોલ ફેલાયો છે. તબીબોના ટેસ્ટિંગ ઝડપી કરવામાં આવે તેવી અરજદારની માંગ છે.
કોરોના વાયરસ સામે યોદ્ધા બનીને દર્દીઓનો જીવ બચાવનારા ડોક્ટર્સ પણ હવે કોરોનાનો શિકાર થઈ રહ્યા છે. દેશમાં કોરોનાથી સૌથી વધુ પ્રભાવિત અમદાવાદ શહેરમાં જ 4 ડોક્ટર્સના મોત અને 100થી વધુ ડોક્ટર્સ કોરોના સંક્રમિત થયા છે. જ્યારે દર્દીઓની સારવાર દરમિયાન ડોક્ટર્સ સહિત 200 જેટલા નર્સ અને પેરામેડિકલ સ્ટાફને પણ સંક્રમણ લાગ્યું છે.
કોરોના સંકટમાં ગુજરાતમાં 4 દર્દીઓના મોત થયા છે
શહેરમાં ફિઝિશિયન્સ, ઓર્થોપેડિક, સર્જન્સ, ન્યૂરો-સર્જન્સ, રેડિયોલોજિસ્ટ, ગાયનેકોલોજિસ્ટ્સ અને જનરલ સર્જન સૌથી વધારે કોરોના સંક્રમિત થયા છે. AMAના અધિકારીએ જણાવ્યું, ચાર ડોક્ટર્સ ડો. આદિત્ય ઉપાધ્યાય, ડો. કમલેશ ટેઈલર, ડો. રમેશ પટેલ અને ડો. એમ.એ અંસારી દર્દીઓની સારવાર દરમિયાન નિધન થયું છે.
ડોક્ટર પણ કોરોના પોઝિટિવ
ડોક્ટર્સ કોરોના પોઝિટિવ આવ્યા છે જેમાં બી.જે મેડિકલ કોલેજના પૂર્વ ડીન ડો. ભરત શાહ છે. જેમની સિવિલમાં આવેલી યુ.એન મહેતા હોસ્પિટલમાં સારવાર ચાલી રહી છે. ભાજપના પૂર્વ નેતા અને રાજ્યની પાર્ટીના ડોક્ટર સેલના પૂર્વ-ઈન્ચાર્જ ડો. અનિલ પટેલ પણ પોઝિટિવ આવ્યા છે.
200 જેટલા ડોક્ટર સહિતના હેલ્થકર્મી કોરોનાગ્રસ્ત
બુધવારે પોઝિટિવ આવેલા વધુ 40 જેટલા ડોક્ટર્સના નામનું લિસ્ટ સોશિયલ મીડિયા ગ્રુપમાંથી ફરતું થયું હતું. તેમાંથી મોટાભાગના ડોક્ટર્સ પ્રાઈવેટ છે. સિવિલમાં બનેલી કોવિડ-19 હોસ્પિટલ, SVP હોસ્પિટલ અને GCRIમાં અંદાજે 60-70 જેટલા ડોક્ટર્સ કોરોના પોઝિટિવ છે. સૂત્રો મુજબ, સિવિલના 18, GCRIના 36 અને SVPમાં 11 ડોક્ટર્સને કોરોનાનું સંક્રમણ થયું છે. જ્યારે હોસ્પિટલના નર્સ, પેરામેડિક્સ સહિતના સ્ટાફને ગણવામાં આવે તો આ આંકડો 200 સુધી પહોંચે છે.
પ્રાઈવેટ ડોક્ટર્સની સંખ્યા 40 સુધી પહોંચી શકે. અમે સૂત્રો પાસેથી નામ અને માહિતી એકઠી કરી રહ્યા છીએ. પરંતુ અત્યારે અમે કહી શકીએ છીએ કે સરકારી હોસ્પિટલમાં સંક્રમિત થયેલા ડોક્ટર્સ ઉપરાંત 40 પ્રાઈવેટ ડોક્ટર્સ કોરોના સંક્રમિત છે. માસ્ક અને PPE કિટ્સ પહેરવા છતાં મોટી સંખ્યામાં ડોક્ટર્સ પોઝિટિવ થયા છે.