અમદાવાદના મેયર કિરીટ પરમાર PM મોદીના રોડ શોમાં પાછળ રહી જતાં કમલમમાં જતાં રોકવામાં આવ્યાં હતાં.20 મિનિટ BJP ઓફિસની બહાર ઉભા રહ્યાં બાદ પ્રવેશ આપ્યો
અમદાવાદના મેયરને કમલમમાં પ્રવેશ પહેલા અટકાવ્યાં
વડાપ્રધાન મોદીનો કાર્યક્રમ શરૂ થઈ જતા પ્રવેશ ન મળ્યો
20 મિનિટ સુધી બહાર ઉભા રહ્યાં બાદ પ્રવેશ મળ્યો
અમદાવાદ મેયરને કમલમમાં પ્રવેશ પહેલા અટકાવ્યા
PM મોદી બે દિવસ માટે ગુજરાતની મુલાકાતે આવ્યાં છે. જેમાં અમદાવાદ એરપોર્ટથી રોડ-શો દ્વારા ગાંધીનગર કમલમ ખાતે પહોંચ્યા હતાં. બાદમાં BJPના નેતાઓ સાથે કમલમ ખાતે બેઠક કરી હતી. જેમાં ભાગ લેવા માટે અમદાવાદ મ્યુનિસિપલ કોર્પોરેશનના મેયર કિરીટ પરમાર પણ કમલમ પહોંચ્યા હતા. પરંતુ તેમને ગેટ પર જ સિક્યોરિટી દ્વારા રોકી દેવામાં આવ્યા હતા.
20 મિનિટ સુધી મેયર કિરીટ પરમાર ભાજપ ઓફિસ બહાર ઉભા રહ્યા
ઉલ્લેખનીય છે કે, અમદાવાદના મેયર કિરીટ પરમાર PM મોદીના રોડ શોમાં પાછળ રહી જતાં કમલમમાં જતાં રોકવામાં આવ્યાં હતાં. જે બાદ તેઓએ ભર તડકામાં 20 મિનિટ સુધી બહાર ઉભા રહેવું પડ્યું હતું. જે બાદ મેયરે કમલમ ફોન કરી આ અંગે ઓફિસમાં જાણ કરી હતી. આખરે અંદરથી લિસ્ટમાં નામ ચેક કરી અને ભાજપના કાર્યકર્તાઓ મેયરને અંદર લઈ ગયા હતા.