પ્રેમ કરવો યુવતીને પડ્યો ભારે. એક નહીં પણ બે પ્રેમીએ યુવતીનું શોષણ કરીને તરછોડી દેતા યુવતીએ ઝેરી દવા પીને કર્યો આપઘાતનો પ્રયાસ. માધવપુર પોલીસે બન્ને પ્રેમી વિરુદ્ધ દુષ્કર્મનો ગુનો નોંધી શોધખોળ શરૂ કરી. કોણ છે બેવફા પ્રેમી?
પ્રેમ કરવાની યુવતીને મળી સજા
બે પ્રેમીએ દુષ્કર્મ આચરીને તરછોડી
બન્ને આરોપી છે પિતરાઈ ભાઈ
લગ્નની લાલચ આપીને કર્યું શોષણ
યુવતીએ ન્યાય માટે પીધું ઝેરી પ્રવાહી
બે ભાઈઓએ આચર્યું દુષ્કર્મ
એક નહીં પરંતુ બે વખત પ્રેમમાં દગો મળતા 21 વર્ષની યુવતીએ પોલીસ કમિશ્નર કચેરીની બહાર ઝેરી દવા પીને આપઘાતનો પ્રયાસ કર્યો. પરંતુ સ્થાનિક લોકોએ હોસ્પિટલ લઈ જતા યુવતીનો બચાવ થયો. પરંતુ યુવતીને દગો આપનાર બન્ને પ્રેમીઓ ફરાર થઈ ગયા. ઘટનાની વાત કરીએ તો 21 વર્ષની યુવતીને લગ્નની લાલચ આપીને યુસુફ ઉર્ફે સજ્જુ શેખ અને તેના પિતરાઈ ભાઈ રસીદખાન સૈયદએ લગ્નની લાલચ આપીને યુવતી સાથે સંબંધ રાખ્યો અને શારીરિક શોષણ કર્યું. યુવતીએ લગ્ન કરવા દબાણ કર્યું તો તેને તરછોડી દીધી. જેનાથી કંટાળીને યુવતીએ પોલીસ કમિશ્નર કચેરી ન્યાય માટે પહોંચી અને ઝેરી દવા પીને આપઘાતનો પ્રયાસ કર્યો.
લગ્નની લાલચ આપીને ફસાવી પ્રેમજાળમાં
માધવપુરા પોલીસે દુષ્કર્મને લઈને યુસુફ ઉર્ફે સજ્જુ શેખ અને રસીદખાન સૈયદ વિરુદ્ધ ગુનો નોંધ્યો. રસીદખાન પરણિત હોવા છતાં ચાર વર્ષ પહેલાં યુવતી 17 વર્ષની હતી ત્યારે તેના સંપર્ક માં આવ્યો અને પ્રેમજાળમાં ફસાવી. યુવતીને લગ્નની લાલચ આપી અને પત્ની સાથે છૂટાછેડા કરવાનું કહીને ઘરેથી ભગાડી ગયો અને ત્યાર બાદ તેની સાથે શારીરિક શોષણ કરીને તરછોડી દિધી. આરોપીના માસીના દીકરા સજ્જુ શેખએ પણ યુવતીના એકલાપણુ ફાયદો ઉઠાવીને તેની સાથે લગ્નની લાલચ આપીને શોષણ કર્યું. આ પ્રકારે બન્ને પિતરાઈ ભાઈઓએ શારીરિક શોષણ કરીને દગો આપતા યુવતીએ પોલીસ સ્ટેશનમાં ફરિયાદ નોંધાવતા પોલીસે તપાસ શરૂ કરી.
બંને આરોપીઓ ફરાર
આ બન્ને આરોપી રસીદ અને સજ્જુ ગુનાહિત ઇતિહાસ ધરાવે છે. રસીદ વિરુદ્ધ તો હત્યાની ફરિયાદ નોંધાઈ છે, જ્યારે સોશ્યલ મીડિયામાં પણ હથિયારથી ફાયરિંગ કરતા વીડિયો વાયરલ થયા છે. હાલમાં માધવપુરા પોલીસે દુષ્કર્મ કેસમાં ફરાર બન્ને આરોપીઓની શોધખોળ શરૂ કરી છે.