ચૂંટણી સમયે અનેક સમાજ સામસામે આવતા હોય છે. હવે તો રાજકારણ ઘરમાં ઘુસી ગયું છે. ખોખરમાં કાકા-ભત્રીજો સામસામે ચૂંટણી લડી રહ્યા છે. તો વાસણા વોર્ડમાં પિતા-પુત્ર એકબીજાની સામે ચૂંટણી જંગ લડી રહ્યા છે.
વાસણા વોર્ડમાં પિતા-પુત્ર વચ્ચે જામ્યો ચૂંટણી જંગ
પિતા વિનુભાઈ ગોહેલ કોંગ્રેસના ઉમેદવાર તરીકે લડી રહ્યા છે
પુત્ર આમ આદમી પાર્ટીના ઉમેદવાર તરીકે ઉતર્યા ચૂંટણી જંગમાં
હાલ ગુજરાતના રાજકારણમાં સૌથી વધુ ચર્ચા પિતા-પુત્ર વચ્ચે ચૂંટણી જંગની થઇ રહી છે. કારણ કે, અત્યાર સુધી આપણે દેશના રાજકારણમાં કાકા-ભત્રીજાને કે કાકા-ભત્રીજીને અથવા તો મામા-ભાણિયાને સામસામે ચૂંટણીના મેદાનમાં જોયા હશે. પરંતુ ગુજરાતના રાજકારણમાં હવે પિતા-પુત્ર સામસામે આવ્યા છે. જેનો ફાયદો કદાચ ભાજપને મળશે. અમદાવાદામાં પિતા વિનુભાઈ ગોહેલ કોંગ્રેસમાંથી અને પુત્ર નિમેષ ગોહેલ આમ આદમી પાર્ટીમાંથી ચૂંટણી જંગમાં ઉતર્યા છે.
કોણ છે આ પિતા-પુત્ર અને ક્યાંથી સામ-સામે ઉતરશે ચૂંટણીના મેદાનમાં ?
આપણે જાણીએ છીએ કે, રાજનીતિ ક્યારેય કોઈની સગી નથી હોતી અને રાજનીતિના કારણે જ અનેક સમાજ સામસામે આવતા હોય છે. સમાજમાં ફાંટા પડી જતા હોય છે. પરતું હવે તો રાજકારણ ઘરમા જ ઘુસી ગયું છે. આવો જ કિસ્સો અમદાવાદમાં સામે આવ્યો છે. જ્યાં ખોખરામાં કાકા-ભત્રીજો સામસામે ચૂંટણી લડી રહ્યા છે. તો વાસણા વોર્ડમાં પિતા-પુત્ર એકબીજાની સામે ચૂંટણીનો જંગ લડી રહ્યા છે. અહીં કાકા-ભત્રીજાની વાત તો સમજાઈ પરંતુ એક પિતા-પુત્ર જ સામ-સામે મેદાનમાં ઉતરે તે આપણા સમાજ માટે એક ચર્ચાનો વિષય છે. તે ચર્ચા અમદાવાદમાં શરૂ થઈ છે. કારણ કે, હાલ વાસણા વોર્ડના કોંગ્રેસના ઉમેદવાર વિનુભાઈ ગોહેલ અને તેમનો જ પુત્ર અને આમ આદમી પાર્ટીનો ઉમેદવાર નિમેષ ગોહેલ સામ-સામે ચૂંટણી જંગમાં ઉતર્યા છે.
મહત્વનું છે કે, ઉમેદવારોનું ચિત્ર સ્પષ્ટ થતા હવે પ્રચંડ પ્રચાર શરૂ થઈ ગયો છે. વિનુભાઈ ગોહેલ પોતાની પેનલ સાથે વાસણા વોર્ડમાં પ્રચાર કરી રહ્યા છે. એક તરફ પિતા પ્રચાર કરી રહ્યા છે તો બીજી તરફ પુત્ર. પરંતુ એક જ ઘરમાં આવું કેવી રીતે શક્ય છે. આ પાછળ કારણ શું છે ? જોકે પિતાના આક્ષેપો સામે પુત્ર પણ પોતાના તર્ક રજૂ કરી રહ્યો છે. તે પિતાની વિરુદ્ધમાં પોતાના પક્ષને પ્રાધાન્ય આપતો હોવાનું કહી રહ્યો છે.
અહીં પિતા-પુત્ર એકબીજાના પક્ષને પ્રાધાન્ય આપતા હોવાની વાતો કરે છે. પરંતુ આ પિતા-પુત્રની રાજકીય લડાઈમાં ભાજપને લાભ જ લાભ થવાનો છે. કારણ કે, સ્વાભાવિક પણે પિતા-પુત્ર એકબીજાના મતો કાપશે. અને આમ પોતાના ચાહનારાઓ પણ વિભાજીત થશે. જેનો સીધો લાભ ભાજપના ઉમેદવારને થઈ શકે છે. જોકે હાલ તો રાજકીય દાવપેચ રમાઈ રહ્યા છે. તેવામાં જોવાનું એ રહેશે કે, આ ચૂંટણીમાં કોનું પત્તું કોના પર ભારે પડે છે.