રાજ્યમાં દારૂબંધી હોવા છતાં ખુલ્લેઆમ દારૂનું વેચાણ થઇ રહ્યું છે. અમદાવાદના કુબેરનગર વિસ્તારમાં ખુલ્લેઆમ દારૂની હેરાફેરી કરતો વીડિયો સોશિયલ મીડિયામાં વાયરલ થયો છે. જેમાં ખુલ્લેઆમ દારૂનું વેચાણ થઇ રહ્યું છે.
સોશિયલ મીડિયામાં વાયરલ થયેલા વીડિયોમાં અમદાવાદના કુબેરનગરમાં વાહનચાલકો દારૂની પેટીઓ લેતા નજરે પડી રહ્યાં છે. જે કુબેરનગરના બુટલેગરનો દારૂ હોવાની સંભાવના છે. જ્યારે વીડિયો વાયરલ થતા પોલીસની કામગીરી પર સવાલ ઉઠી રહ્યાં છે. જો કે આ પહેલો વીડિયો નથી અગાઉ પણ આવા અનેક વીડિયા વાયરલ થયા છે.
ત્યારે તંત્ર પર અનેક સવાલ ઉઠી રહ્યાં છે કે, શું ગુજરાતમાં દારૂબંધી માત્ર કાગળ પર જ છે? ક્યાં છે કુબેરનગરની પોલીસ? શું પોલીસની જ છે આમા કોઇ મીલીભગત? કુબેરનગર વિસ્તારના પોલીસ અધિકારી શું કરે છે? આટલું ચેકિંગ છે છતાં રાજ્યમાં કેવી રીતે દારૂ ઘૂસાડવામાં આવે છે? આવા અનેક સાવાલો તંત્ર સામે ઉભા થઇ રહ્યાં છે.