ચોરી / અમદાવાદના કુબેરનગરમાં 50 લાખની ચોરી, બંન્ને તસ્કરો CCTV કેમેરામાં થયા કેદ

• અમદાવાદના કુબેરનગર વિસ્તારમાં 50 લાખની ચોરી
• 50 લાખ રોકડ અને 2.40 લાખના સોનાના દાગીનાની ચોરી
• મકાન વેચાણના 20 લાખ સહિત ધંધાના રોકડ રૂપિયાની ચોરી

પ્રાપ્ત મળતી વિગત અનુસાર અમદાવાદ શહેરના કુબેરનગરમાંથી 50 લાખની ચોરી થઇ હોવાની વિગત બહાર આવી છે. 50 લાખ રોકડ અને 2.40 લાખના સોનાના દાગીનાની પણ ચોરી થઇ છે. આ ચોરીમાં મકાન વેચાણના 20 લાખ સહિત ધંધાના રોકડ રૂપિયાની ચોરી થઇ હોવાનું સામે આવ્યું છે. 

શહેરના કુબેરનગરમાં કટલરીના વેપારીના ઘરમાં ચોરી થઇ છે. જો કે ચોરી કરનારા બંને તસ્કકરો CCTV કેમેરામાં કેદ થયા છે. ત્યારે આ ચોરીને લઇને લોકોમાં સવાલ ઉઠી રહ્યાં છે કે આ વિસ્તારમાં પોલીસકર્મીઓ કેમ એક્ટિવ નથી? સરદારનગરમાં પોલીસકર્મીઓ કેમ પેટ્રોલિંગ કરતા નથી?

અમદાવાદના કુબેરનગરમાં 50 લાખની ચોરીના સમાચાર મળતા સરદારનગર પોલીસ ઘટના સ્થળે પહોંચી ગઇ હતી. હાલમાં પોલીસ CCTV ના ફુટેજના આધારે આરોપીઓની શોધખોળ કરી રહી છે. 

સળગતા સવાલ

• સરદારનગર વિસ્તારમાં પોલીસનો ડર નથી?
• ગુનાખોરી વધ્યા બાદ પોલીસે કેમ કાર્યવાહી કરતી નથી?
• શહેરના આ વિસ્તારમાં પોલીસકર્મીઓ કેમ એક્ટિવ નથી?
• સરદારનગરમાં પોલીસકર્મીઓ કેમ પેટ્રોલિંગ કરતા નથી?
• શું પોલીસકર્મીઓ જ આરોપીઓને છાવરે છે?
• ગુનાખોરી વધ્યા બાદ ઉચ્ચ અધિકારીઓ કેમ એક્શનમાં આવતા નથી?
• ઉચ્ચ અધિકારીઓ દ્વારા કેમ કોઈ પગલા લેવાતા નથી?