દારૂબંધી? / કાલુપુર સ્ટેશનમાં બુટલેગરોએ એવી જગ્યાએ દારૂ છુપાવે છે કે તમે વિચારી જ ન શકો

• રેલેવે પોલીસે ગોતી પાડ્યો દારૂ
• સ્થાનિકોએ કહ્યુ ત્યારે પોલીસે માન્યું
• એક સિગ્નલ બોક્સ ખોલીને જોયું તો તેમાં પણ એક દારૂની બોટલ મળી

રેલવે સિગ્નલ બોક્સની અંદર કેટલાક લોકોએ દારૂ ભરેલો થેલો મૂકી દીધો હતો અને બહારથી લોક મારી દીધું હતું. જેને ગઇ કાલે રેલવે પોલીસે રંગે હાથ ઝડપી પાડ્યું છે. 

રેલવે સ્ટેશન પર ગઇ કાલે રેલવે પોલીસ પેટ્રોલિંગમાં હતી ત્યારે પ્લેટફોર્મ નંબર આઠ પર કેટલાક લોકો ટોળું કરીને ઊભા હતા. જેને જોઇને પોલીસ કર્મચારીઓ ત્યાં પહોંચ્યા તો આરએએફના જવાનો તેમજ ઝેડઆરયુસીસીના કર્મચારીઓ પણ ત્યાં ઊભા હતા. 

સિગ્નલ બોક્સમાં દારૂની બોટલો ભરેલા થેલા હોવાની શક્યતા

તમામ લોકોએ રેલવે પોલીસને કહ્યું હતું કે આ સિગ્નલ બોક્સમાં દારૂની બોટલો ભરેલા થેલા હોવાની શક્યતા છે. સિગ્નલ બોક્સ ખોલીને જોતાં તેમાં બે થેલા હતા. જેમાં 54 બોટલ દારૂની હતી. આ સિવાય અન્ય એક સિગ્નલ બોક્સ ખોલીને જોયું તો તેમાં પણ એક દારૂની બોટલ મળી આવી હતી.

રેલવે પોલીસે સીસીટીવી ફૂટેજના આધારે દારૂ સંતાડનારને શોધવા માટે ચક્રો ગતિમાન કર્યાં

કાલુપુર રેલવે સ્ટેશનના સિગ્નલ બોક્સમાં કોઇ બુટલેગરે દારૂ છુપાવીને લોક મારી દીધું હતું. રેલવે પોલીસે સીસીટીવી ફૂટેજના આધારે દારૂ સંતાડનારને શોધવા માટે ચક્રો ગતિમાન કર્યાં છે. પોલીસને શંકા છે કે થોડાક સમય પહેલાં દારૂમાં થતી હેરફેરને રોકવા માટે સ્પેશિયલ સ્કોવોડની રચના કરવામાં આવી હતી. જેથી દારૂને લાવનાર ખેપિયાઓએ પોલીસથી બચવા માટે દારૂ સંતાડી દીધો હોઇ શકે છે.