રથયાત્રા / અમદાવાદની જગન્નાથની રથયાત્રામાં 8 બાળકો પડ્યા વિખુટા, પોલીસે શોધખોળ હાથ ધરી

અમદાવાદમાં ભગવાન જગન્નાથની 142મીં રથયાત્રા નિકળી છે. સીએમ રૂપાણીએ પહિંદવિધી કર્યા બાદ રથયાત્રાની શરૂઆત કરાવી હતી. 142મીં રથયાત્રામાં 100 ટ્રક, 30 અખાડા, 15 હાથી, 3 રાસ મંડળી, 18 ભજન મંડળી, 1 ઘોડાગાડી, 5 બેન્ડવાજા જોડાયા છે.

ત્યારે રથયાત્રામાં મોટી સંખ્યામાં શ્રદ્ધાળુઓ જોડાયા છે. આ દરમિયાન 8 વધુ બાળકો વિખુટા પણ પડ્યા છે. ત્યારે હવે પોલીસે વિખુટા પડેલા બાળકોને શોધવાની કવાયત હાથધરી છે.

મહત્વનું છે કે અમદાવાદમાં રથયાત્રા દરમિયાન કોઈ અનિચ્છનિય બનાવ ન બને તે માટે પોલીસનો ચુસ્ત બંદોબસ્ત ગોઠવવામાં આવ્યો છે. રથયાત્રા દરમિયાન CCTVથી પોલીસ બાજ નજર રાખી રહી છે. સાથે જ ડ્રોન કેમેરાથી પણ નજર રાખવામાં આવી રહી છે.