નિજમંદિરમાં બિરાજ્યા માધવ જય જગન્નાથના જયનાદથી ગુંજી ઉઠ્યું મંદિર

અમદાવાદ: ગઈકાલે જ ભગવાન જગન્નાથજીની 141મી રથયાત્રા રંગેચંગે યોજાઈ. ત્યારે આજે ભગવાન જગન્નાથ આજે નીજ મંદિરમાં આવશે અને તેમની સ્થાપના કરવામાં આવશે. જે અંતર્ગત સવારથી જ પૂજા અર્ચના ચાલુ કરી દેવામાં આવી હતી. સ્થાપના સમયે મોટી સંખ્યામાં ભક્તોનો ધસારો જોવા મળશે અને ફરી એકવાર જય જગન્નાથના નાદથી મંદિર ગૂંજી ઉઠશે.  

ઉલ્લેખનીય છે કે 18 કિલોમીટર જેટલી લાંબી નગરયાત્રા કર્યા બાદ ભગવાન જગન્નાથ નીજ મંદીરે પધાર્યા છે. જગન્નાથ ભગવાનનો રથ નીજ મંદીર પરત ફરતા મોટી સંખ્યામાં ભાવિકોએ ભગવાનનું સ્વાગત કર્યું હતું.

ભગવાન તેમજ બહેન સુભદ્રા તથા ભાઈ ભલરામની રથયાત્રા વાજતે-ગાજતે નીજ મંદીરે પરત ફરતા મંદિરમાં ભક્તિમય માહોલ સર્જાયો હતો. નિજ મંદિરે ગૃહ રાજ્યમંત્રી પ્રદિપસિંહે રથનું સ્વાગત કર્યું હતું. રોશની અને રંગબેરંગી લાઈટોને કારણે મંદિરમાં આકર્ષક દ્રશ્યો સર્જયા હતા.   

આપને જણાવી દઇએ કે નગરચર્યાથી પરત ફર્યા બાદ ભક્તોની મીઠી નજર ન લાગે તે માટે ભગવાનની નજર ઉતારવામાં પણ આવશે. આ વિધિ પૂર્ણ થયા બાદ યજમાન દ્વારા મહાઆરતી થશે. આ વિધિ પૂર્ણ કરીને ભગવાનને મંદિરના ગર્ભગૃહમાં બિરાજમાન કરવામાં આવશે. આ સમગ્ર ઘટનાને નિહાળવા ભક્તો મોટી સંખ્યામાં જમાલપુર મંદિર ખાતે આવી પહોંચ્યા છે.