અમદાવાદમાં ઈન્કમટેક્સ ડિપાર્ટમેન્ટમાં કોમ્પ્યૂટર ઓપરેટર તરીકે ફરજ બજાવતા યોગેશ યાદવને કોરોનાના કપરાકાળમાં ફરજ નિભાવી હોવા છતાં પગાર ન મળતા મામલો લેબરકોર્ટ સુધી પહોંચ્યો છે. યોગેશ યાદવ ઘરમાં કમાનારા એક જ છે તેમની પત્ની પ્રેગન્ટે છે એવા સમયમાં નોકરી જવા છતાં પગાર ન ચૂકવવામાં આવે તો! આવી જ ઘટના આ કર્મચારી સાથે પણ બની છે. તમામ જગ્યાઓએ રજૂઆત કરી પરંતુ આખરે હતાશ થઈને યોગેશ યાદવે VTVGujarati.comનો સંપર્ક કરીને પોતાની મુશ્કેલી જણાવી હતી.
બાય બાય ચારણી જેવી હાલત: યોગેશ
લેબરકોર્ટની નોટીસને ઘોળીને પી ગયુ છે તંત્ર
કેમ નથી મળતા તેની સમસ્યાના જવાબ?
વિશ્વ જ્યારે કોરોનાની મહામારી સામે બાથ ભીડી રહ્યુ છે ત્યારે અમદાવાદમાં એક અમાનવીય ઘટના સામે આવી છે. ઈન્કમટેક્ષ ડિપાર્ટમેન્ટમાં આઉટસોર્સિંગથી કામ કરનાર કોમ્પ્યુટર ઓપરેટરને ત્રણ મહિનાનો પગાર મળ્યો નથી હોવાનો આરોપ છે. વારંવાર રજૂઆતો કરવા છતાં ન તો તેની નિમણૂંક કરનાર એજન્સી (Het-chint Hospitalities Pvt.Ltd) કોઈ જવાબ આપે છે ન ઈન્કટમ ટેક્સ વિભાગ દ્વારા આ અંગે કોઈ સ્પષ્ટતા કરવામાં આવી છે.
લૅબર કોર્ટને પણ ગાંઠતા નથી
આ મામલો લેબર કોર્ટ પહોંચી ચૂક્યો છે. લેબરકોર્ટ દ્વારા પણ આ મામલે શોકોઝ નોટીસ ફટકારવામાં આવી હોવા છતાં આ અંગે કોઈ પગલા નથી લેવાઈ રહ્યા. આવો જાણીએ શું છે સમગ્ર મામલો.
કોણ છે યોગેશ યાદવ
યોગશે યાદવ ઈન્કમટેક્સ ડિપાર્ટમેન્ટમાં Addi CIT રેન્જ- 2 અમદાવાદમાં ઓફિસમાં કામ કરે છે. જે ITO વોર્ડ 2(1) (1)માં અમદાવાદ ખાતે તેની ડ્યૂટી છે. અમદાવાદ ઈન્કમટેક્સ ડિપાર્ટમેન્ટ દ્વારા હેત-ચિંત હોસ્પિટાલિટિસ પ્રાઈવેટ લિમિટેડ (Het-chint Hospitalities Pvt.Ltd) દ્વારા નિમણૂક કરવામાં આવી હતી. યોગેશ લોકડાઉનમાં પણ ઓફિસ ગયો છે અને તેની ઓફિસે આવવાની ફરજ પાડવામાં આવી હતી. યોગેશના જણાવ્યા અનુસાર લૉકડાઉન દરમ્યાન પણ ઓફિસમાં મને હાજર રહેવા જણાવ્યું હતું પરંતુ પગાર અંગે હાલ તે આમથી તેમ ધક્કા ખાઈ રહ્યા છે.
બાય બાય ચારણી જેવી હાલત
લેબરકોર્ટ, ઈન્કમટેક્સ ડિપાર્ટમેન્ટ, પીએમમો ઓફિસ સહિત યોગેશભાઈ પોતાની મુશ્કેલી જણાવી ચુક્યા છે પણ તેની સમસ્યાનું કોઈ નીરાકરણ નથી મળી રહ્યું. યોગેશ જણાવે છે કે, છેલ્લા 3 મહિનાથી મને પગાર નથી મળી રહ્યો. આ અંગે વારંવાર રજૂઆતો કરવા છતાં મને કોઈ જ જવાબ પણ નથી મળી રહ્યો. કંપનીના નિયમ મુજબ કોરોના સંકટમાં પણ હું ઓફિસ આવ્યો છું. હાલ મારી હાલત બાય બાય ચારણી જેવી છે.
લેબર કોર્ટની નોટિસને ઘોળીને પી ગયું છે તંત્ર
યોગેશભાઈને સેલેરી ચૂકવણી અંગેનો ઈમેલ જે લેબર કોર્ટ દ્વારા શો કોઝ નોટીસ સમાન મોકલવામાં આવ્યો હતો તેની પણ ઈન્કમટેક્સ ડિપાર્ટમેન્ટ કે આઉટસોર્સિંગ એજન્સી ગણકારી નથી. રહી. આ અંગે લેબર કમિશન દ્વારા ત્રણ વાર મેઈલ કરીને શો કોઝ નોટીસ ફટકારવા છતાં કોઈ રિસ્પોન્સ આપવામાં નથી આવી રહ્યો.
પત્ની ગર્ભવતી છે તેમાં પગાર ન મળતાં યોગેશને માથે મુશ્કેલી વધી
એક તરફ નોકરી ધંધા બંધ છે એવામાં યોગેશની પત્ની ગર્ભવતી છે યોગેશને માટે તેની પત્ની અને તેના આવનારા બહાળક માટે નોકરી અને પગાર બંનેનું ખુબ મહત્વ છે. ત્યારે યોગેશે શક્ય તમામ દરવાજા ખટખટાવી લીધા છે પણ હજુ સુધી તેની સમસ્યાનું સંતોષકારક પરિણામ નથી આવ્યું. ત્યારે જોવું રહ્યુ કે, લેબર કમિશન આ અંગે શું કરી શકે તેમ છે. અગાઉ સિવિલ હોસ્પિટલ અને SVP હોસ્પિટલમાં આઉટસોર્સિંગથી અપોઈન્ટ કરાયેલા કોરોના વોરિયર્સના પગાર અંગેના ઝોલ સામે આવી ચુક્યા છે ત્યારે આ કેસ પણ કંઈક અંશે તેવો જ છે. હવે જોવું રહ્યુ કે યોગેશની આ સમસ્યા તંત્રના બહેરા કાન સુધી ક્યારે પહોંચશે.