સંપત્તિને લઈને નાઈટ ફ્રેક ઈન્ડિયાએ હાલમાં એક રિપોર્ટ બહાર પાડ્યો છે. કંપનીએ એફોર્ડેબિલિટી ઈન્ડેક્સ 2020 જાહેર કર્યો છે. આ રિપોર્ટ અનુસાર દેશમાં ગુજરાતનું અમદાવાદ ઘર ખરીદવા માટે સૌથી સસ્તુ હોવાનું જાહેર કરાયું છે. આ સિવાય સૌથી મોંઘા શહેરમાં મુંબઈનું નામ મોખરે છે.
નાઈટ ફ્રેક ઈન્ડિયાએ બહાર પાડ્યો રિપોર્ટ
દેશમાં ઘર ખરીદવા અમદાવાદ સસ્તું શહેર
મુંબઈ સૌથી મોંઘું શહેર સાબિત થયું
રિપોર્ટ અનુસાર અમદાવાદમાં મકાન ખરીદવા માટે દેશનું સૌથી સસ્તું બજાર છે. ઘરના કિસ્સામાં ભાવની સરખામણીમાં 2020માં તે 24 ટકા સસ્તું રહ્યું જે એક દશક પહેલાં એટલે કે 2010માં 46 ટકા રહ્યું . જ્યારે પુના, ચેન્નઈમાં સસ્તું એટલે કે 26 ટકાની સાથે ક્રમશઃ તે બીજા સ્થાને અને ત્રીજા સ્થાને રહ્યું છે. નાઈટ એન્ડ ફ્રેંક ઈન્ડિયાએ કહ્યું કે 50 ટકાથી વધારે સરખામણી હોવાથી બેંકો અને રહેઠાણ નાણાં કંપનીઓથી ઉધાર લેવાનું મુશ્કેલ રહે છે. તથા મકાન ખરીદવાનું ગજા બહારનું બને છે.
મકાનોના સસ્તા થવા પાછળ છેલ્લા દશકને આધાર માનવામાં આવ્યો છે
કિફાયતી સૂચકાંકના આધારે આવકના દરને ધ્યાનમાં રાખીને માસિક હપ્તો ધ્યાનમાં રાખવામાં આવે છે. રિપોર્ટ અનુસાર મકાનની કિંમતોમાં ઘટાડો અને સાથે આવાસ ઋણ પર વ્યાજના અનેક દશકના નિમ્ન સ્તર પર જવાથી 2020માં મકાન ખરીદવાનું સસ્તું રહ્યું છે. નાઈટ એન્ડ ફ્રેંકએ કહ્યું કે મુંબઈની સરખામણી જોઈએ તો તે 61 ટકા સાથે સૌથી મોંઘું બજાર છે જ્યારે અમદાવાદ, ચેન્નઈ અને પુના સસ્તા છે. ગયા દશકની સરખામણીએ મુંબઈમાં પણ મકાન આજે સસ્તા મળી રહ્યા છે. 2020માં 61 ટકા અને 2010માં આ આંક 93 ટકા હતો.
આ બાબતોના આધારે નક્કી કરાય છે સંપત્તિના દર
સૂચકાંકમાં સંપત્તિની કિંમત, આવાસ ઋણ પર વ્યાજ દર, પરિવારની આવક પર આધાર રાખવામાં આવે છ. રાષ્ટ્રિય રાજધાનીમાં દર સુધરીને 38 ટકા રહ્યો હતો જે 2010માં 53 ટકા હતો. બેંગલુરુમાં આ 2020માં 28 ટકા રહ્યો જે દશક પહેલાં એટલે કે 2010માં 48 ટકા હતો. રિપોર્ટના અનુસાર પુના અને ચેન્નઈમાં દર સુધરીને 26 ટકા થયો છે. જે 2010માં 39 ટકા રહ્યો છે. હૈદરાબાદમાં દર 31 ટકા છે જે પહેલાં 47 ટકા હતો. કોલકત્તામાં 2020માં દર 30 ટકા રહ્યો છે જે દશક પહેલાં 45 ટકા હતો.
નાઈટ એન્ડ ફ્રેક ઈન્ડિયાના આધારે દેશના 8 પ્રમુખ શહેરોમાં સસ્તા દરના છેલ્લા દશકની સરખામણીએ ઉલ્લેખનીય રીતે સુધારા જોવા મળી રહયા છે. તેનું કારણ આવકમાં સુધારો, નીચા વ્યાજદર અને તેના આધાર પર સંપત્તિના ભાવમાં ઘટાડો છે.