ભારત સરકાર દ્વારા દેશનાં સૌથી સ્માર્ટ સીટીનાં ક્રમાંક જાહેર કરવામાં આવ્યાં હતાં. ત્યારે અમદાવાદ હાઉસિંગ-અર્બન અફેર્સ મંત્રાલયે એક મહત્વની જાહેરાત કરી છે. જેમાં ગુજરાતનાં ત્રણ શહેરોને મહત્વનાં સ્થાન પ્રાપ્ત થયાં છે. આ ક્રમાંકમાં નાગપુર શહેર 360.21 પોઇન્ટ સાથે નંબર 1 પર છે. બાદમાં ભોપાલ બીજા ક્રમે અને રાંચી ત્રીજા ક્રમે રહ્યું છે. જ્યારે અમદાવાદને ચોથો ક્રમાંક મળ્યો હતો.
અમદાવાદ 265.35 પોઇન્ટ સાથે ચોથા ક્રમે છે. ત્યારે સુરત શહેરને દેશનાં સૌથી સ્માર્ટ સીટીઓમાં પાંચમો ક્રમ પ્રાપ્ત થયો છે. જ્યારે 223.58 ક્રમ સાથે વડોદરા છઠ્ઠા ક્રમ પર છે. મીનીસ્ટ્રી ઓફ હાઉસિંગ એન્ડ અર્બન અફેર્સ દ્વારા આ મહત્વની જાહેરાત કરવામાં આવી છે. જેમાં ટોપ ટેન શહેરોમાં ગુજરાતનાં ત્રણ શહેરોનો સમાવેશ કરવામાં આવ્યો છે.
ઉલ્લેખનીય છે કે ભાજપ સરકાર દ્વારા શરૂ કરવામાં આવેલાં કેમ્પેઇન સ્માર્ટ સીટી અંતર્ગત દેશનાં અનેક શહેરો હવે ધીમે ધીમે સ્માર્ટ સીટીમાં પરિવર્તિત થઇ રહ્યાં છે. કેન્દ્ર સરકાર દ્વારા જાહેર કરવામાં આવેલા આ લીસ્ટમાં 98 શહેરોને ક્રમાંક આપવામાં આવ્યાં છે. આ લીસ્ટમાં ટોપ ટેન શહેરોમાં ગુજરાતનાં ત્રણ શહેરો પણ અગ્ર ક્રમે છે.